• تونس.. مقتل سائح فرنسي وإصابة عسكري في عملية طعن
  • بنعطية: المنتخب المغربي لا يتوفر على لاعبين كبار من أجل الفوز بلقب الكان!!
  • خرق مبدأ عدم التدخل.. تصريح مزوار “خطير” وقد يوظف من طرف رئيس أركان الجيش في الجزائر
  • المباراة أمام الغابون.. الفرصة الأخيرة لخليلوزيتش للوقوف على مستوى اللاعبين
  • بعد الدعوة الملكية إلى الابتعاد عن الصراعات الفارغة.. الحرب الكلامية تشتعل مجددا بين العثماني وأخنوش
عاجل
السبت 13 أكتوبر 2018 على الساعة 15:00

تشهير وفضح.. حكايات “رجال بروكلين” مع “نساء كلامور” والشيخة التراكس!

تشهير وفضح.. حكايات “رجال بروكلين” مع “نساء كلامور” والشيخة التراكس!

المجموعات على الفايس بوك فالأصل الهدف ديالها هو يتجمعوا عناصر عندهم نفس الاهتمام ويتبادلوا التجارب والخبرات ديالهم في مجال معين او مجالات مختلفة.
ولكن خرجوا كروبات اللي الهم ديالهم هو يحاربوا المنكر حسب الاعتقاد ديالهم، واللي كيحاولوا يلعبوا دور “الوصي” على الناس في الحريات الفردية ديالهم. كيفاش؟

5000 عضو

 

كروب بروكلين واحد من المجموعات اللي على الفايس بوك واللي خاصة بالذكور فقط، عدد الأعضاء ديالو 5000 واحد وهو رقم صغير مقارنة بالمجموعات الأخرى، ولكن الفرق أن أغلب الأعضاء ديالو متفاعلين وحاضرين مع كل منشور.

بداوها بالخير

في البداية، كان هاد الكروب كيتضرب بيه المثل في العمل التعاوني بين الأعضاء، حيث فالأول دارو مبادرات مزيانة وعاونوا بعضهم باش يلقاو خدمة.
وحسب مصادر، فما يزيد عن 200 واحد لقى خدمة عن طريق الكروب والمساعدات ديال الأعضاء ديالو، وحتى عيد الأضحى بفضل التعاون قدروا يوفروا أزيد من 20 أضحية.

كلامور النسائية

من بعد، الكروب غادي يفقد البوصلة ديالو، وغادي يديرو حملة “تغيير المنكر” في مواقع التواصل الاجتماعي.
بداو بالمجموعات النسائية، واخترقوا كروب وبداو كياخذوا صور وفيديوهات عارية لبنات وكينشروهم باش “يفضحوهم”. وفعلا داك الشي اللي كان، وأغلب للبنات تفضحوا وحيدوا الفايس بوك والكروب تسد.

لايف الجنسي

فالمرة الثانية قرروا بهجموا على ثاني أشهر كروب نسائي، واللي معروف أن أغلب البنات فيه كيحطوا صور مثيرة وجريئة، ولكن ما لقاوش طريقة للاختراق فدخلوا عن طريق حسابات وهمية وبداو كيخرجوا الصور، وروجو قصص على مولات الكروب، الشيء اللي خلا أغلب البنات ينسحبوا منو، وحتى اللي بقاو ما كيحطوش صور كيف الأول.

الخلجيين والتراكس

مؤخرا الكروب فكر يدير حفلة تنكرية بالزي الخليجي ويعرضوا على الشيخة فاطمة الزهراء المعروفة ب”التراكس”، ولكن الحفلة سالات بمشاكل خلات الفنانة الشيخة التراكي توصل معاهم للسلطات الأمنية.

إقرأ القصة الكاملة :

بالفيديو.. الشيخة التراكس شْكات بكروب فايسبوكي بتهمة التشهير

بلطجية الفايس؟
من بعد توالي هاد المشاكل، واخا مجموعة ديال الأشخاص كتشجع هاد الأعمال، إلا أن العديد من رواد الفايس بوك كيطالبوا بتوقيف هاد الناس عند حدهم، وسماوهم “بطلجية الأخلاق” و”دواعش الفايس”، حيث على حساب ما كيقولو، “كيديرو كثر من عمل الدولة والجهات المسؤولة بطريقة غير قانونية