• الرميد معلقا على العفو الملكي على الريسوني: يأبى الملك إلا أن يعيد الأمور إلى نصابها
  • مطار محمد الخامس/ كازا.. تفريغ أزيد من كيلوغرام من مخدر الشيرا من أمعاء جزائريين
  • بالصور والفيديو من السعودية.. مقتل 35 شخصا وإصابة آخرين في حادث احتراق حافلة
  • إدارية الرباط تسقط البيجيدي في المحمدية.. إلغاء انتخاب صبير رئيسة لمجلس المدينة
  • في الذكرى ال15 لحمله قميص برشلونة.. ميسي يتسلم جائزة الحذاء الذهبي (صور)
عاجل
السبت 06 أكتوبر 2018 على الساعة 11:00

رضوان أشحشاح.. القصة الكاملة لظهور “صائد الساحرات” (صور وفيديوهات)

رضوان أشحشاح.. القصة الكاملة لظهور “صائد الساحرات” (صور وفيديوهات)

“صائد الساحرات”، اللي صور نساء قدام دار واحد الشوافة فمدينة سلا، قدر، في أقل من 3 أيام، يكون هو حديث الساعة على مواقع التواصل الاجتماعي، والفيديوهات ديالو من الأكثر مشاهدة على اليوتيوب عند المغاربة.

صائد الساحرات

“صائد الساحرات”، واللي الاسم الحقيقي ديالو رضوان أشحشاح، عندو 30 سنة، وساكن فمدينة سلا، فحي شعبي. وكأي شاب في السن ديالو عزيز عليه السفر والخروج مع صحابو، وكان معروف في الحي ديالو بحب تربية الحيوانات.

 

الفايس بوك

رضوان أشحشاح كان، كأي مستعمل عادي ديال الفايس بوك، كيبارطاجي الصور ديالو من الأسفار اللي كيدير مع صحابو، وحتى بعض الخرجات ديالو مع الأصدقاء واللي فيها شي حوايج اللي تعتبر غير مقبولة عند اللي كيقولو أنهم محافظين.

 

بارطاجي يا مواطن والرقية الشرعية

في الشهور الأخيرة، ومع انتشار حركات فايسبوكية ديال “بارطاجي يا مواطن” والتشهير فيما سماوه رواد مواقع التواصل الاجتماعي بفضح الفساد، رضوان أشحشاح رجع من المتابعين ديال هاد الشي وكيبارطاجي وكيتضامن مع هاد الحملات “لفضح الفساد” من وجهة نظرهم.
ومن جهة أخرى، “صائد الساحرات” رجع عندو متابعة كبيرة فيما يخص الرقية الشرعية ومحاربة السحر، وكيدير متابعة لبعض الصفحات اللي كتنشر هاد الأمور، وحتى هو قرر يرجع من “محاربي الفساد”.

 

فيديوهات الشوافة والبوز

يوم 2 أكتوبر كان يوم دخول رضوان أشحشاح إلى عالم مشاهير الفايس بوك. نشر فالبداية فيديو فالكونت ديالو فالفايس بوك صور فيه عيالات جاو عند الشوافة اللي عندهم في الدرب، وفاش شاف التفاعل والتشجيعات زاد نشر فيديوهات آخرين، وزاد فيه لدرجة رجع كيصور وجوه العيالات بزز منهم، وكيسبهم بطريقة خايبة.

 

خوف ومسح الصور

فنفس النهار، من بعد انتشار الفيديوهات ومطالبة العديد من الأشخاص بالاعتقال ديالو بسبب التشهير، رضوان “صائد الساحرات” مسح جميع الصور ديالو، ودار فيديو مخبي وجهو كيقول فيه باللي هو “صائد الساحرات” وما غاديش يبين وجهو “حيث ما باغيش الشهرة وهاد الشي دارو في سبيل الله”!!

 

تناقضات

في اليوم الموالي، أي 3 أكتوبر، رضوان أشحشاح تناقض مع راسو وخرج إعلاميا في حوار مع منبر إعلامي، وكيقول كلام غريب. كيقول باللي الله رسلو باش يفرش هاد الساحرات، وأنه ما كيقلب لا على بوز لا على فلوس، هو غير بقاو فيه أبناء الحي اللي كيضيعو بسبب هاد الشوافة، وحيث شافها كدير لاباس وكدخل الفلوس وهاد الشي ما عجبوش. وباش يزيد يأكد كلامو مشا عند واحد جارو مريض عقليا وكيقول باللي هاد الشوافة هي السبب فالمرض ديالو.

 

منددون

بعيدا عن صحاب “بارطاجي يا مواطن”، واللي كتعجبهم أي حاجة متعلقة بالتشهير وفضح الناس، كانت أصوات كثيرة كتطالب يإلقاء القبض على “صائد الساحرات”، وخاصة أنه مصور عيالات مغلوبات عن أمرهن، وهاد الشي اللي دار يقدر يشتت عائلات كثار.
وقال أحد المعلقين: “محاربة السحر ماشي بهاد الطريقة كاينين طرق قانونية هاد الشي سميتو البلطجية”. وقال واحد آخر: “اليوم صائد الساحرات غدا يجي لينا صائد المتبرجات وصائد العاريات في البحر، وغادي نرجعو من دول الحريات إلى دولة خرج وحضي جنابك”.