• حاطة رجليها الفوق وكتسوق.. زوجة رياض محرز تثير موجة من الغضب (فيديو)
  • بغى يدير سيلفي من فوق صخرة.. مأساة في واد لو
  • إنجاز تاريخي.. طالب مغربي دخل لمدرسة ديال المهندسين من بعد عام فالأقسام التحضيرية!
  • تقدر قيمتها بنحو 920 ألف درهم.. حجز 92 كيلو ديال الحشيش فباب سبتة
  • رونالدو يعترف: ميسي جعل مني لاعبا أفضل
عاجل
الثلاثاء 02 أكتوبر 2018 على الساعة 14:00

كارط فيزيت زوجة الخلفي.. المهنة “مرات الوزير”!

كارط فيزيت زوجة الخلفي.. المهنة “مرات الوزير”!

بطاقات الزيارة عادة كتكون فيها المهنة اللي كيديرها مول البطاقة والرقم ديالو باش يسهال على الواحد يقدم راسو ويلقاو الناس كيف يتواصلو معاه، جات حتى للحكومة المغربية ورجعات فحال الحالة المدنية. كيفاش؟
بطاقة الزيارة الخاصة بالسيدة بابا أحمد فاطمة الزهراء، زوجة مصطفى الخلفي الناطق الرسمي باسم الحكومة، خلقت موجة من السخرية على مواقع التواصل الإجتماعي، حيث ما فيهاش المهنة ديال حرم الوزير وإنما فيها “مرات الخلفي” فقط.
هاد الشي خلى مجموعة من رواد الفايس بوك يتعجبو من هاد البطاقة وقالوا شنو الهدف من الواحد يعرف أنها هي مرات الوزير.
من بعد موجة السخرية الكبيرة، نشرت عدة مواقع إعلامية تصريحات لزوجة الخلفي، كتقول فيها باللي البطاقة خاصة بالملتقيات الدبلوماسية، وباللي هاد الشي عادي في جميع الدول، وحتى الاستعمال ديالها كيكون محدود.