• شاعلة في تندوف.. اقتحام اجتماع “الخلية الأمنية” للبوليساريو واختطاف ما يسمي وزير الداخلية
  • استعدادا للكان.. النصيري ضمن اللائحة الأولية لرونار
  • قبل مواجهة نهضة بركان.. مرتضى منصور يزيد الضغط على لاعبي الزمالك
  • وفاء بوعدها.. بوعياش تستقبل عائلات المعتقلين على خلفية أحداث الحسيمة
  • كازا.. الملك يسلم جائزة محمد السادس للمتفوقات في برنامج محاربة الأمية
عاجل
الإثنين 24 سبتمبر 2018 على الساعة 13:40

زينب فاسيقي.. الدفاع عن المرأة بالصور العارية! (صور)

زينب فاسيقي.. الدفاع عن المرأة بالصور العارية! (صور)

زينب فاسيقي مهندسة وفنانة مغربية، عمرها 24 سنة، قررت تركز على العمل الفني والدفاع عن المرأة والحرية ديالها باستعمال صور الغالبية ديالهم تتمحور حول جسد المرأة.

الفنانة فاسيقي فيمينيست كتشوف أن الحل لتحرر المرأة هو أن الذكور ما يبقاوش يشوفو في جسد المرأة شي حاجة غريبة، داك الشي علاش فالرسومات ديالها كتركز على جسد المرأة، باش المشاهدين، وبالأخص الذكور، يتعودوا على مشاهدة هاد الجسد واللي عادة كيبان ليهم فقط لتلبية النزوات.

الرسومات ديالها كتحاول توصل بهم رسائل للمرأة، باللي خاصها تتحرر من قيود المجتمع الذكوري، وأنها كذلك عندها الحق تعيش وتلبس اللي بغات، وأن الرجل خاصو يحترم حرية المرأة، وباللي ما كينش سبب يبرر التحرش والاغتصاب.

أعمال زينب فاسيقي حسب ما كتقول، ما كتلقاش ترحيب كبير فالمغرب ومن جميع النواحي، وكتلقى انتقادات كثيرة، وكيتهموها بنشر الفتنة، وحتى المطابع كتلقى معهم مشكل حيث ماشي أي واحد كيقبل يطبع أعمالها، لأنها كلها صور لنساء عاريات.

هاد الشي خلّى الفنانة فاسيقي تقرر أنها تعرض الأعمال ديالها فأوروبا، وبالتحديد فإسبانيا، فين تلقات عرض قبل شهور. وحتى الأعمال ديالها لقات إقبال من طرف الإسبان. ومؤخرا قررت زينب فاسيقي دير موقع بعنوان “حشومة”، تنشر فيه الأعمال ديالها واللي كتهضر على عدد من الطابوهات المسكوت عنها فالمغرب.

زينب فاسيقي، فواحد التصريح ديالها، كتقول أن الهدف ديالها هو الدفاع عن المرأة المغربية وتحريرها من القيود، وهاد الشي بسبب أنها كأنثى عانت بزاف من المجتمع الذكوري، بداية من دارهم وعائلتها، وصولا إلى التخصص اللي كانت دارت في التعليم العالي، حيث كانوا كيقولو ليها أن ميدان الهندسة حكر على الرجال فقط آش كديري انتي هنا، إضافة إلى التحرش اليومي اللي كتعرض ليه فالشارع.