• قبل رمضان.. لارام تعلن العودة إلى توقيت غرينيتش ابتداء من 5 ماي المقبل
  • بالفيديو.. انفجار جديد في سيريلانكا وارتفاع عدد الضحايا
  • ياجور: كنا الأقرب إلى الفوز بثلاث نقاط في الديربي وغادي نبقاو نافسو على اللقب حتى لآخر جولة
  • سطو على مبلغ مليونين و25 ألف درهم.. توقيف 4 أشخاص في كازا (صور)
  • البنزرتي: الوداد والرجاء قدما مباراة في المستوى وشرفا الكرة المغربية
عاجل
الجمعة 14 سبتمبر 2018 على الساعة 16:30

واخا كيسبّوها ويقولو عليها خاسرة.. “ساري كول” تكتسح اليوتيوب بكلامها عن الجنس

واخا كيسبّوها ويقولو عليها خاسرة.. “ساري كول” تكتسح اليوتيوب بكلامها عن الجنس

“سارة إسبانيا” أو “ساري كول” واخا الضجة اللي منوضاها فمواقع التواصل الاجتماعي، بمواضيعها الجنسية، وأسلوبها اللي مبنى على الهضرة الخاسرة، في أغلب الأوقات الفيديوهات ديالها كتحتل مراكز متقدمة في الطوندونس المغربي على اليوتيوب، والبارح الخميس (13 شتنبر) كانت فالمركز الأول والثاني.

الفيديو اللي محتل الصدارة، واللي تجاوز 727 ألف مشاهدة في ظرف 4 أيام فقط، الموضوع ديالو هو “كيفاش تعرف أن حبيبتك ما زال عذراء بدون دكتور”. هاد الفيديو ماشي غير فالمغرب، وإنما حتى في الطوندونس ديال الجزائر شاد مراكز متقدمة.

الفيديو اللي فالمركز الثاني فحتى هو على موضوع جنسي، وكتهضر فيه ساري كول على “كيفية الاعتناء بالمناطق الحساسة”.

الفيديو، اللي دار 700 ألف مشاهدة تقريبا في ظرف 5 أيام، حقق مركز متقدم عند المتابعين الجزائريين، وجا فالمركز 25 فالطوندونس الجزائري.