• تمشاو على رجليكم ولا بالبيكالات.. “يوم بدون سيارات” في الرباط! (صور)
  • “المغرب الذي نريد”.. حركة “ضمير” ترفع مذكرة إلى الملك
  • بطل أم مصلحجي.. من يكون محمد علي الشاب الذي أرهق السيسي؟
  • داير الحملة من دابا.. أخنوش ينوه “بكفاءات” حزبه ويتعهد بتشبيب حكومة 2021
  • بعد احتجاجات على وفاة امرأة حامل وجنينها في مستشفى في العرائش.. وزارة الصحة تحقق وتتوعد
عاجل
الأربعاء 12 سبتمبر 2018 على الساعة 09:30

كتهزّ ولدها على ظهرها باش تدّيه يقرا.. قصة مؤلمة لأم تتألم كل يوم!! (فيديو)

كتهزّ ولدها على ظهرها باش تدّيه يقرا.. قصة مؤلمة لأم تتألم كل يوم!! (فيديو)

في مشهد مؤثر من مدينة فاس، سيدة كتهز ولدها، اللي عندو 13 سنة، فوق ظهرها يوميا، وكتديه للمدرسة، حيث رجليه مقطوعين.
ورغم الصعوبة ديال الوضع، هاد الأم، ولأزيد من أربع سنوات، كتهز ولدها اللي كيقرا دابا في السنة السادسة ابتدائي.

وفي اتصال لموقع “كيفاش” مع أم الطفل، المدعو رضوان الصحراوي، قالت: “ولدي ما تولدش هاكا، وإنما مرض فاش كان عندو 9 سنوات ودارو ليه عملية وقطعوا ليه رجليه واليد اليمنى ديالو، ومن بعد دار رجلين اصطناعيين ولكن مع السن كبر وما بقاوش كيجيو قدو، وخرج ليه عظم فرجليه فرجع صعيب يعاود يدير رجلين اصطناعيين إلى ما دارش عملية”.

وأضافت: “أنا صابرة مع الوضع وكنهز ولدي يوميا للمدرسة ولكن ما كرهتش مساعدات باش يدير العملية ديالو ويعاود يدير دوك الرجلين الاصطناعية أو على الأقل كرسي متحرك، دقيت البيبان ديال جمعيات ولكن للأسف حتى واحد ما ساعدنا هاد الساعة”.

لمساعدة الطفل يرجى الاتصال بالرقم التالي:
0611058167