• “ظلم” الفار وهدفان إيفواريان.. التعادل سيد الموقف في ذهاب نهائي دوري أبطال إفريقيا بين الوداد والترجي
  • حافلات وردية خاصة بالنساء.. عمدة الرباط يوضح
  • اغتصاب واستغلال جنسي تحت غطاء الرقية الشرعية.. الراقي مصعب من أشهر راق إلى زنزانة السجن
  • شاعلة في تندوف.. اقتحام اجتماع “الخلية الأمنية” للبوليساريو واختطاف ما يسمي وزير الداخلية
  • استعدادا للكان.. النصيري ضمن اللائحة الأولية لرونار
عاجل
الأحد 05 أغسطس 2018 على الساعة 10:30

درّي بغا يضحك تيّقوه.. حقيقة أبو هدهدة والرقية بـ10000 درهم!

درّي بغا يضحك تيّقوه.. حقيقة أبو هدهدة والرقية بـ10000 درهم!

، أخيرا، صفحة على الفايس بوك، تحمل اسم “الراقي الشرعي الشريف محمد البقالي”، أو “أبو هدهدة”، واللي خلقت جدلا واسعا بسبب المنشورات الغريبة اللي فيها، وتحديد أسعار كبيرة للخدمات اللي كيقدمها الراقي.

وفي تصريح لموقع “كيفاش”، قال المشرف على صفحة: “أنا ماشي راقي شرعي، وإنما درت هاد الصفحة للضحك فقط، والناس تّيقو القصة، الغريب أن بعض المواقع صدقات شنو كتبت وبداو كيحطو هاد الشي على أساس أنه حقيقي”.

وأضاف: “حنا جوج دراري الأول خريج معهد الوطني للعلوم التطبيقية، وأنا خريج جامعة العلوم فيزياء تخصص الأشعة، وفأول يوم كان عندي مشروع التخرج ودرتو على المفاعلات النووية، فاش ساليت العرض استغليت دوك المعدات اللي كانو وحطيت صورة في هاد الصفحة، وقلت باللي أنا شيخ اسكت وكالة ناسا، وأكدت أن الأرض مسطحة وليست كروية”.

وتابع المشرف على الصفحة: “ومن ديك الساعة والصفحة ديالي عرفات رواج كبير حيث كتبت أسعار الخدمات اللي كنقدم، حتى لقيت مجموعة من الناس مصدقة هاد الشي وشي وحدين بداو كيسولوني فين جا المركز، وكنت كنرد سير أخويا رقي راسك أنا ماشي راقي راه غير ضاحك”.

وختم صاحب الصفحة حديثه بالقول: “أنا كنفكر نسد هاد الصفحة لأنه فالأول كنت غير ضاحك، دابا الناس تيقوني وكاين اللي بدا كيهدد فيا فالخاص، فمن الأحسن نحيد هاد الشي لأن بصح ساركازم ما كيقبلوهش الناس عندنا”.