• فالكو: سعيدة بقبولي وأتمنى من المغاربة أن يدعموني
  • العداوة ثابتة والصواب يكون.. عضو في البيجيدي تؤطر ورشة ضمن جامعة شبيبة الأحرار
  • ما دازتش عليه 3 أيام.. فالكو ابنة بوعرفة تطيح بلمجرد من الطوندونس
  • كانت مخبأة في عجلة احتياطية.. إحباط تهريب أزيد من 17 كيلو من الشيرا في باب سبتة
  • كانت في جامعة بوردو.. استرجاع 20 قطعة أثرية تعود لفترة ما قبل التاريخ في المغرب
عاجل
السبت 30 سبتمبر 2017 على الساعة 20:10

الإكستازي دايرة حالة فالمغرب.. شكون يعتق هاد الدراري من هاد الموجة؟ (فيديو)

الإكستازي دايرة حالة فالمغرب.. شكون يعتق هاد الدراري من هاد الموجة؟ (فيديو)


الإكستازي دايرة حالة هاد الأيام فالمغرب، واخا تدخلات السلطات باش تحاربها، ولكن مازال كتباع حدا المدارس والكليات والملاهي الليلية.
حبوب “الإكستا” تخلف أمراضا خطيرة تؤدي في بعض الأحيان إلى الموت المفاجئ.
موقع “كيفاش تيفي” تلاقى مع جوج شباب كيعاودو على قصتهم مع “الإكستازي” وكيفاش دخلو عالم الهلوسة، اللي ما نادمينيش عليها، على حد القول ديالهم.
إلهام، عندها 23 سنة، وكتقرا فلافاك، قالت بأن أول مرة خدات الإكستازي كان عندها فعمرها 19 سنة، وصحابها هما اللي عطاوها الحبة، اللي عجباتها فالمرة الأولى، حيت عطاتها النشاط.
ياسين، اللي حتى هو مازال كيقرا، عاود قصتو مع الإكستازي، اللي عاجباه حيت كتنشطو فالحفلات اللي كيحضر ليهم وما رادش البال للمخاطر ديالها.
الشاب قال باللي الإكستازي بعض المرات ما كتكونش موجودة، والثمن ديالها كيكون ما بين 50 درهم حتى ل90 درهم.
إلهام حكات بأنها تعرضات لأزمة صحية بسبب الإكستازي، ولكن كتقول بأنها ما حدها صغيرة كتستغل الفرصة حيت فاش تكبر خاصها تبعد على عالم الهلوسة.