• تفريق اعتصام الأساتذة المتعاقدين.. الحكومة تعلق
  • دوري أبطال إفريقيا.. البنزرتي يتسلح بتجربته الإفريقية ومدرب صن داونز خايف من جمهور الوداد
  • الخلفي عن استدعاء السفير الإماراتي في المغرب: لا تعليق!
  • نيوزيلندا.. منح عائلات ضحايا مجزرة المسجدين إقامة دائمة
  • ماركا على راسو.. النصيري يتسبب في هزيمة ليغانيس (فيديو)
عاجل
الجمعة 01 سبتمبر 2017 على الساعة 20:47

المغاربة نهار العيد الكبير.. الباطوار بوك!

المغاربة نهار العيد الكبير.. الباطوار بوك!


الفايس بوك، اليوم الجمعة (1 شتنبر) ولّى بحال شي باطوار، ها اللي كيذبح، وها اللي كيسلخ، وها اللي هاز راس الحولي، وها اللي كيشوط الراس، وكلشي كيسول على كيف خرجات الدوارة.
الناس ديال الفايس بوك كيوثقو هاد اللحظات اللي كيشاركوها مع صحابهم، إما بالتصاور ولا الفيديوهات.
صباح العيد عدد من الفايسبوكيين كينشرو تصاورهم فالمصلى مع صحابهم، من بعدها كيوثقو لحظات النحر والسليخ والتشواط، قبل ما يبدلو الحوايج ويمشيو للقهاوي.
فايسبوكي نشر تدوينة كتب فيها: “اليوم مدخلتش سناب شات عارف نلقى نفس صور كيتعاودو لحولي وبولفاف والشواية”، مضيفا: “متنساوش الملل ديال مورآ الطناش”.
الفايسبوكيين مع فيهم الطلعة دارو تصويرة ديال مول الفايس بوك وكتبو عليها: “والله إلى حشومة عليكم المغاربة رديتو ليا الفايس بوك بطوار”.
واحد النوع من الناس كينشر تصاور ديال طاجين الدجاج ولا سندويتشات ولا ليباط وكيقولو بأنهم ما عندهمش مع لحم الغنمي.
فايسبوكية كتبت: “ناس ياكلو بولفاف وحنا كناكلو دجاج بالفريت”.
والغريب أن نهار العيد الكبير الناس نساو كاع القضايا اللي كانت شاغلاهم، ولكن أكيد “غدا النكير”.