تفاعل عبد اللطيف وهبي، وزير العدل، مع الجدل حول أسباب تعطيل برنامج الدعم الاجتماعي المباشر لـ10 سنوات.
وخلال حلوله ضيفا مساء أمس الأحد (19 نونبر)، في برمجة استثنائية لبرنامج “بدون لغة خشب”، على إذاعة “ميد راديو”، صرح وهبي “ما يقلبوش يرميو الأخطاء على ظهر شي واحد”.
وفي إشارة ضمنية إلى حكومتي البيجيدي، قال وزير العدل: “ولاو كيقولو ما خلاونا شكون اللي ما خلاكم خرجو ليها گود عطيونا الأسماء وكيفاش وشنو درتو ونقولو عندكم الحق دوك الناس ما خلاوكم لأنه ضيعو المغاربة في 10 سنين”.
وشدد المسؤول الحكومي: “نكون أنا رئيس حكومة ويكون وزير رافض ليا شي حاجة وصافي تبلوكا ليا وبسلطاتي الدستورية علما أن رئيس الحكومة يفوض السلطات هو اللي كيملكها يلا قال أخنوش ديك الساعة لا قدام بنكيران أو العثماني يسحب لو التفويضات ويدير شغلو”.
وتابع المتحدث ذاته: “گاع الوزراء اللي دازو فالحكومات السابقة دواو على الدعم الاجتماعي ولكن حتى واحد ما جاب لينا مراسيم شكون منعهم يديرو قوانين… يتحفظ أخنوش ويبلوكيو كلشي منين جبتو هادي”.
وأكد وهبي على انسجام الأغلبية الحكومية، قائلا: “على مستوى القيادة ما كنزولش للمستويات الصغرى، كناقشو القضايا ومنسجمين فيها لأنه لا نزار بركة لا عزيز أخنوش لحدود ما زال كيتحملوني صابرين عليا”.
وأردف: “كاين جزئيات الحياة اليومية السياسية فيها خلاف إما بين وزراء أو بين القوى داخل البرلمان كنحلوها بشكل حبي بيناتنا كناخدو قرار في القيادة كلشي كينضابط ليه”.
