أكدت نبيلة الرميلي، عمدة مدينة الدار البيضاء، أن هناك العديد من المنجزات التي يتم الاشتغال عليها اليوم على قدم وساق من أجل أن تكون العاصمة الاقتصادية في الموعد خلال استضافة مسابقة كأس العالم 2030.
وقال الرميلي، في تصريح لـ”ميد راديو”، ووسائل الإعلام، على هامش ندوة صحافية تم عقدها بمدينة الدار البيضاء، إنه “كاين العديد من المنجزات اللي اليوم الدار البيضاء خدامة عليها مع الجهة والولاية، خاصنا نكونو في الموعد وهذا ضروري وإجباري”.
وشددت الرميلي على أنه “أولا حنا اليوم ملزمين باش نقدمو بنية تحتية ذات جودة عالية، ووسائل النقل حتى هي اليوم من بين التحديات الكبرى اللي لازم نجاوبو عليها”، مشيرة إلى أنه “كاين واحد دفتر التحملات اللي فيه مجموعة من الضروريات اللي خاصهم يكونو في المدينة واللي كنشتغلو عليها اليوم باش نكونو في الموعد، والدار البيضاء ما يمكنش ليها تخرج من المسؤوليات اللي عليها اليوم”.
وأوضحت عمدة كازا، أن “الدار البيضاء قفزت للأمام بواحد الوثيرة جد مهمة، واليوم كرة القدم وكأس العالم غادي يعطينا دفعة قوية وجا كوسيلة لتسريع الدينامية اللي كتعرفها المدينة”.
وتابعت “الدار البيضاء طالعة في واحد المصعد هادي 10 سنوات، والرؤية المتبصرة ديال صاحب الجلالة اللي عطاها مع انطلاق البرنامج التنموي لجهة الدار البيضاء الكبرى 2014 جعلت على أننا الحمد لله تقريبا فالموعد مع وسائل النقل”.
وواصلت الرميلي حديثها قائلة، “باقي الجديد اللي غادي يهضر عليه المكتب الوطني للسكك الحديدية وهو الخط اللي غادي يربط ان شاء الله ملعب بن سليمان بمدينة الدار البيضاء يعني باقي بعض التكميلات اللي اليوم غادي يجيو وحنا ما زال عندنا الوقت باش نوصلو لهاد الخطوط
والعديد ديال الطرق اليوم را كتنجز، بين الدار البيضاء والنواصر، بين الدار البيضاء وبن سليمان، وبين الدار البيضاء والمحمدية، وبين الدار البيضاء ومديونة وبين الدار البيضاء والمطار أيضا”.
وختمت حديثها بالقول “هناك العديد من البنيات التحتية اللي اليوم كتنجز واللي بدات هادي عامين”.
