جدد عبد اللطيف ميراوي، وزير التعليم العالي والبحث العلمي والابتكار، دعوته لطلبة الطب والصيدلة إلى العودة إلى الأقسام واجتياز الامتحانات.
وقال ميراوي، خلال استضافته، مساء اليوم الأربعاء (15 ماي)، في برنامج “مع الرمضاني”، على القناة الثانية “دوزيم”، “ربما كاين سوء فهم فالملف، ديما فاش كيكون شي إصلاح جوهري ويوجد للمستقبل كيكون فيه سوء فهم”.
وأضاف: “أنا عندي أمل أن الطلبة يدخلو يدوزو امتحاناتهم، واللي مهم عندي ما نضيعوش هاد السنة، كاين أمل كبير، الامتحانات ايبداو فـ29 ماي ديال الدورة الثانية، والطلبة حاليا كيقراو فالمنصات”.
ووجه وزير التعليم العالي نداء مباشرة إلى الطبلة، قائلا: “أنا بغيت ندير نداء للطلبة، شوفوا آ وليداتي ديرو الثقة فالمؤسسات ديالكم وفبلادكم، بلادكم بغاتكم تكونو أطباء الغد، سيرو دوزو الامتحانات ديالكم وحتى حاجة ما غتستعصى علينا إن شاء الله”.
ودافع ميراوي عن الاصلاح الذي جاءت به وزارته، بالقول: “هاد الإصلاح خدمنا فيه أكثر من سنة، خدمو فيه الخبراء، وأنا كنتيق فيهم، مدة سنة وحنا خدامين فهاد الإصلاح الكبير، اليوم خاصنا 30 ألف طبيب، وعاد خدامين باش نوجدو الأطباء ديالنا”.
وتابع المتحدث متسائلا: “بالله عليك، واش كون كان شي ضرر في تقليص سنوات التكوين واش العمداء والخبراء والأساتذة والأطباء ومكونات قطاع الصحة ما غينوضوش يحتجو؟”.
واعتبر الوزير أن حل أزمة طلبة الطب والصيدلة هو أن “الطلبة يدخلو يدوزو امتحاناتهم، وكل شي غيتحل حتى حاجة ما غتستعصي علينا… أنا كنواعدكم وكنواعد الطلبة باللي حتى حاجة ما غتستعصي علينا، دوزو امتحانات وكل شي غيتحل”.
