وصف عبد اللطيف ميراوي، وزير التعليم العالي والبحث العلمي والابتكار، الذكاء الاصطناعي بـ”التسونامي”، مؤكدا على ضرورة التعامل بذكاء مع التحول الذي يفرضه.
وقال ميراوي، خلال استضافته، مساء اليوم الأربعاء (15 ماي)، في برنامج “مع الرمضاني”، على القناة الثانية “دوزيم”، “خاصنا نتعاونو فبلادنا ونخدمو على الرقميات ونوجدو الكفاءات، اليوم خاصنا نخدمو على هاد الشي، والحكومة خدامة على هذا الموضوع فورش الرقميات”.
وأضاف الوزير: “موضوع الذكاء الاصطناعي حاضر بقوة، وبغينا أي طالب يتخرج بالإجازة تكون عندو معرفة بالرقميات، يكون عندو التخصص ولكن فنفس الوقت يكون عندو الرقميات”.
وتابع المسؤول الحكومي: “شات جي بي تي ملي خرج كانوا جامعات كبرى حاولوا يمنعوه، حنا قلنا ما غنمنعوهش ولكن خاص الطلبة ديالنا يستعملوه بشكل إيجابي “.
وزاد المتحدث: “الذكاء الاصطناعي راه حتى هو خاصك تتعامل معه بذكاء، وكنديرو تكوينات فيه ماشي غير للطلبة ولكن حتى للأساتذة، هاد الشي خاصو يدخل فالتكوين وخاصنا نوجدو الشباب ديالنا باش ما يضيعوش الفرص التي يتيحها”.
وأشار الوزير إلى أن “الذكاء الاصطناعي داخل فالعديد من المجالات من الطب حتى للكوداج، والشباب ديالنا خاصو يكون متمكن من الذكاء الاصطناعي باش يخدم فكاع المجالات، وخاصنا نتعاملو بذكاء مع هاد التحول اللي كاين دابا”.
وقال ميراوي: “علاش كتقولوا الجامعة كتخرج العطلين؟ لأنه ما مكونش فاللغات وما مكونش فهاد المهارات اللي كنهضرو عليها، إيلا بغيتي تكون شاب وما كونتيهش فالرقميات واش غيلقى عمل؟، واش اللي ما عندوش كفاءات رقمية وكفاءات لغوية واش غيخدم؟، اليوم الجامعات وفرت هاد الظروف باش يتعلمو وتكون عندهم الثقة فنفسهم”.
