دخل 7 طلبة مغاربة مقيمين في أوكرانيا، ظهر اليوم الاثنين (28 فبراير)، إلى دولة المجر، بعد رحلة طويلة استمرت 3 أيام من أقصى شرق أوكرانيا إلى غربها.
ويروي أحد الطلبة الناجين، في اتصال مع موقع “كيفاش” تفاصيل الرحلة المرعبة، والتي انطلقت من مدينة خاركوف الأوكرانية، يوم 25 فبراير، وانتهت اليوم بوصولهم إلى المجر.
ويقول الشاب موضحا: “كنا في مدينة خاركوف اللي كانت قريبة من أماكن القصف، لذلك قررنا حنا 5 ديال الطلبة وجوج طالبات، نشدو الطريق لغرب البلاد، لعل وعسى نقدرو ندوزو لشي دولة آمنة”.
وتابع: “شدينا التران، ولكن حصلنا فالعاصمة كييڤ، حيث كان فيها القصف، وبقينا تما 12 الساعة، حتى عاود التران تحرك، ووصلنا لغرب ديال أوكرانيا”.
وأضاف المتحدث قائلا: “بقينا هنا مدة حتى خلاونا ندوزو ونفوتو الحدود المجرية، وطبعو لينا في الباسبورات، ودابا دخلنا كنقلبو على أوطيل فين نزلو”.
وفي سياق متصل، أكد الطالب أنهم وجدوا عددا كبيرا من الطلبة في المجر، وأنهم ربطوا اتصالات بالسفارة لمعرفة الإجراءات اللازمة.
واسترسل في حديثه قائلا: “دابا نمشيو نزلو فشي أوطيل حيث عيينا بزاف، رحلة ديال 3 أيام ما ساهلاش، نمشيو نعيطو للوالدين ديالنا، باش يطمأنو علينا.. ومن بعد نشوفو شنو غادي تقول لينا السفارة نديرو”.
