كشف طالب مغربي يقيم في أوكرانيا تفاصيل الرعب التي عاشها رفقة زملائه، تزامنا مع القصف الروسي لبعض المناطق قرب المدينة التي يعيش فيها.
وقال الشاب، في اتصال مع موقع “كيفاش”، واصفا الأحداث: “فقنا مع 5 ديال الصباح، كنسمعو الزجاج ديال العمارة كيتحرك، والطوموبيلات كتصوني، وتخلعنا بزاف، وفاش فقنا لقينا باللي الانفجارات كانت بعيدة علينا ب20 كلم على مدينة خاركوف فين كنعيشو حنا”.
وتابع: “ما زال كنسمعو مرة مرة الانفجارات، مرة فمنطقة السالطافكا 15 كلم على مركز المدينة، ومنطقة تشيگوييف 20 كلم عن خاركوف”.
وعن نقص المواد الغذائية والتأمين، قال الشاب موضحا: “خرجنا نشريو المواد الغذائية اللي تكفينا شي 15 اليوم، لقينا كلشي خارج باغي يشري وكلشي باغي يتيري الفلوس، وكاينة فوضى، كلشي خايف وكلشي كيجري”.
ومن جهة أخرى، قال الشاب المغربي حول مطالبهم للسلطات: “كنطالبو برحلات اسثنائية نرجعو لبلادنا، راه كنحاولو نصبرو والدينا وحنا نيت خاص اللي يصبرنا”.
في سياق متصل، نشر طالب مغربي يعيش في المدينة ذاتها، مقطع فيديو يروي فيه تفاصيل القصف الروسي على أوكرانيا، وحالة الترقب والخوف التي تسود هناك، مناشدا بدوره السلطات المغربية بإيجاد حل للأزمة التي يعيشون فيها.
