محمد المبارك
المعجبين والمتابعين ديال الفنان العالمي “ريدوان” خايفين عليه من الفتى مهدي بنكيران، وكتبوا أزيد من مائة تعليق يحذرونه فيه من السقوط في الفخ. كيفاش؟
قبل 3 أيام، وضع المنتج العالمي نادر الخياط على حسابه على إنستغرام صورة مع مهدي بنكيران وكتب معلقا عليها: “عشاء مع الصديق العظيم ومصمم الموضة الرائع مهدي بنكيران”.
هاد الشي خلّى بزاف ديال المتابعين ديالو يخافو على النجم ديالهم، وكتبو العديد من التعاليق كيقولو فيها باللي مهدي بنكيران لا علاقة له مع التصميم والموضة، ويبحث فقط عن الشهرة بأية طريقة، وأنه كل مرة يدعي أنه يعمل في مجال معين، وكيحط صور مع مشاهير على أنه غادي يدير عمل معهم ومن بعد كيطلع كلشي كذوب.
وحسب الناس اللي كتبو التعاليق، فإن مهدي بنكيران يحاول استغلال شهرة “ريدوان” والمصداقية ديالو باش يدير شي عملية جديدة كيف ما دار من قبل، وما بغاوش اسم “ريدوان” يتجمع مع مهدي باش ما تخسرش السمعة والصورة ديالو.
وطالب بعض المعجبين بمسح الصورة لأن صفة مصمم موضة لا تمت مهدي بنكيران بصلة، ما سيتم اعتباره ترويجا لمعلومة كاذبة غير مبنية على مصدر، وهو ما لا يليق بفنان عالمي من حجم ريدوان.
