علي أوحافي
أوضح معاد غاندي، المنتج التلفزيوني والصحافي، أن العريضة التي وقعت عليها مجموعة من الشخصيات المغربية ضد تصريحات وزير الاتصال، مصطفى الخلفي، كانت بهدف تحصين المشهد الإعلامي المغربي.
معاد غاندي، الذي حل ضيفا على برنامج «في قفص الاتهام» على ميد راديو اليوم الجمعة (27 يونيو)، قال: «العريضة جات من بعد خروج وزير الاتصال بعد برنامج قفطان 2014 فدوزيم، حيت تخلعنا من نوع الخطاب اللي كيتروج وبان بحال يلا التلفزيون يعمل ضد الدين الإسلامي».وأضاف: «واش عيالات دايزين بالقفطان فيها شي حاجة؟ الهاكا هي الوحيدة اللي عندها الحق تقول واش شي برنامج كيحترم الدين الإسلامي أو لا.. وا راه قفطان اللي داز في القناة الثانية تابع لوزير معاه في الحكومة هو عزيز أخنوش».
واستطرد غاندي قائلا: «الوزير من حقو يتاهمنا بأي حاجة بغا من بعد ديك العريضة اللي وقعو علهيا 300 ديال الناس.. وأنا شرف ليا إلى جا وزير قدو قداش يجي جاوب منتج، على ود برنامج ديال الجريمة».
وقال غاندي، ردا على سؤال حول انتقادات الخلفي لبعض البرامج: «لالة العروسة دارو 6 ملايين مشاهد، هو من البرامج اللي كينتقدهم وزير الاتصال».
واعترف معاد غاندي أن برنامج «مسرح الجريمة»، الذي تنتجه شركته، سقط في بعض الهفوات، إذ «درنا فيه شي حويجات في شكل، ومنها دوزنا الدم، وشي مرات تصلو بينا الشرطة باش نعطيوهم حلقة حيت شي مجرم شاف البرنامج.. واليوم في الحلة الجديدة للبرنامج بدلنا بزاف ديال الحوايج.. وممكن ندخل دابا ونشوف حلقات من البرنامج وممكن نعاود النظر أو نحيدو في مرة». وأضاف: «راه في البرنامج نصحاتنا الهاكا باش نبدلو أسماء المتهمين والمدن اللي كانت فيها الجريمة، وكان بيان قاصح من عندها».
وحول دفاتر التحملات قال غاندي: «الخلفي قال كاين كعكة، واش حنا في هاد المغرب ولينا فران ديال الحومة، أنا ملي كندير شركة باش نربح الفلوس ماشي باش كتصدق، وراه عندنا أنا الجامعي 40 مستخدم وخاصني نخلصهم ونضمن ليهم حقوقهم». وأضاف: «بطلبات العروض ديال الخلفي درنا عمل مع القناة الثانية لأول مرة والقناة الأمازيغية زادونا البرامج، وهاد الشي ماشي ريع مالو عاطيني مقلع ديال الرمال؟».
