أكد الناقد الرياضي بلعيد بويميد، أن الناخب الوطني وليد الركراكي سيكون أمام تحد كبير لاختيار اللاعبين الأنسب للتواجد في التشكيلة الرسمية، خاصة المهاجمين، في مباراة المنتخب الزامبي، اليوم الجمعة (7 يونيو)، ضمن تصفيات كأس العالم 2026.
وقال بويميد في تصريح لموقع “ميد راديو”، إن “إشكال كبير غادي يكون أمام وليد الركراكي في اختيار التشكيلة ولكن نتمناو يختارها بموضوعية وما يدخلش الجانب الذاتي”.
وأضاف “كنظن غيدير التشكيلة الكلاسيكية ديالو، حيت هاد اللعابة اللي عيط ليهم ما يمكنش يحطهم فالاحتياط”، مشيرا إلى أنه “غادي يبغي يدمج الدراري الجداد، ولكن ما نظنش غادي يبغي يغير فالفريق بزاف من غير رحيمي وابراهيم دياز”.
وأوضح المحلل الرياضي أن “الإشكال اللي غادي يكون عند الركراكي فالكعبي والنصيري حيت بجوج ولاو كيلعبو مزيان”.
وتابع “هاد اللاعبين اللي لعبو فالفرق ديالهم وحققو إنجازات ولاو كيفرضو راسهم، والمدربين على العموم كيبغيو يأمنو الفريق وكيفضلو واحد عندو تجربة على واحد حقق إنجازات”.
يشار إلى أن المنتخب الوطني المغربي سيواجه، مساء اليوم الجمعة (7 يونيو)، نظيره الزامبي، في تمام الساعة الثامنة مساء على أرضي ملعب أكادير.
