أثارت قضية استبعاد الدولي المغربي ياسين بونو، حارس مرمى المنتخب الوطني والهلال السعودي، من اللائحة النهائية للمرشحين لجائزة أفضل لاعب في إفريقيا عام 2023، جدلا واسعا وسط متتبعي الشأن الكروي المغربي.
وعرفت اللائحة النهائية لنيل الجائزة المذكورة، تواجد الدولي المصري محمد صلاح، والنيجيري فيكتور أوسيهمن، إلى جانب الدولي المغربي أشرف حكيمي، في الوقت الذي كانت كل التوقعات تشير إلى إمكانية بونو الظفر بها.
وعبر محللون رياضيون، في تصريحات مختلفة لموقع “كيفاش”، عن استغرابهم من اختيارات الاتحاد الإفريقي لكرة القدم، مشيرين إلى أن هذا القرار “مدروس وممنهج” من أجل منح الجائزة لاسم معين.
الكاف باغين يرضيو كلشي!
وأكد الناقد الرياضي، محمد الماغودي، في اتصال مع موقع “كيفاش”، أن استبعاد بونو من اللائحة النهائية لأفضل لاعب مخالف لتوقع الرأي العام العلني، قائلا “ما يمكنش واحد كان الطوب فالمونديال وكان الأحسن فالمسابقة على المستوى العلني، وكان عندو دور كبير باش وصل المنتخب الوطني لدور النصف وتجي أنت تبعدو؟”.
وأضاف ” يبدو أن الاتحاد الإفريقي كيدير توازنات ماشي كيدير النزاهة الفكرية ويعتمد على معطيات، حيت ملي كنشوفو 3 داللاعبين اللي اختاروهم باش ياخذو أحسن لاعب كنظن حتى واحد فيهم ما حقق داك الشي اللي دار بونو فهاد الموسم الرياضي”.
وتابع “أعتقد أنه ملي كندخلو للتوازنات كندخلو للتوافقات وبالتالي الكاف باغين يرضيو كلشي، باغين يعطيو لبونو أحسن حارس، ولكن أحسن لاعب في إفريقيا باغين يعطيوها لهادوك الثلاثة وهذا مؤسف جدا”.
وختم حديثه بالقول “حنا دورنا الآن نبقاو مشجعين ولدنا ونبقاو وراه حتى يحقق المراد ديالو ان شاء الله”.
استبعاد مدروس وممنهج
ومن جهته، قال المحلل الرياضي ابراهيم الزوين، في تصريح لموقع “كيفاش”، إن استبعاد ياسين بونو من اللائحة النهائية لأفضل لاعب، محاولة لتوجيه هذه الجائزة لاسم أو شخص معين.
وأشار الزوين إلى أنه “صعب جدا منافسة بونو يلا تختار فاللائحة ديال الثلاثي النهائي، حيت صعب على أي لاعب من اللاعبين على أنه ينافسو بالأرقام اللي حققها لا مع المنتخب ولا مع إشبيلية ولا على الصعيد الأوروبي”.
واعتبر المحلل ابراهيم أن “استبعاد بونو مدروس باش يمكن يفتحو المجال لاسم آخر باش يتوج بهاد الجائزة، وفنظري الكاف باغين يعطيو هاد الجائزة للاعب النيجيري أوسيمين”
وأضاف “هاد الشي شفناه حتى على الصعيد العالمي مجموعة ديال المناسبات كانو لاعبين يستحقو الجوائز وما تمش التتويج ديالهم، وكاين أسماء اللي كيتم التتويج ديالها فقط بالاسم ولا كاين شركات رعاية ولا ناس كيدافعو عليهم”.
وأوضح أنه “بالنسبة لأحسن حارس في إفريقيا محسومة، وبخصوص جائزة أحسن لاعب أرى على أنه هناك واحد الدفع بالجائزة لنسبة كبيرة للاعب النيجيري وبنسبة أقل لمحمد صلاح”.
