في مشهد مليء بالمسؤولية بادر شاب يدعى حكيم بوحلالة إلى جمع الأزبال في المنتزه الوطني لتازكة بالجماعة القروية باب بودير جنوب إقليم تازة.
يحكي صاحب ال40 سنة لموقع “كيفاش” أن ما دفعه للقيام بهذه المبادرة كانت “النفس” والغيرة، بعدما زار المنتزه رفقة مجموعة سياحية، وآلمه منظر مطرح وسط الغابة.
ويقول بوحلالة في تصريح للموقع: “هادي مبادرة فردية،
كنت مع مجموعة ديال سياح من خارج الوطن، وبحكم المسار اللي درت بهم كيدوز على هاد المطرح خداو واحد النظرة قبيحة، راك عارف الغيرة والنفس ماحملتش ديك الهضرة… قررت باش نرجع للمكان ونظفو”.
وتابع: “جمعت حوالي 36 خنشة ديال الزبل، والحمد لله الإنسان بفضل العقل اللي كرموا بيه الله… يحافظ على نظافة المكان كما يحافظ على نظافة بيته”.
وفي سياق متصل، أكد المرشد السياحي على ضرورة السهر على نظافة الأماكن العمومية، ودعا إلى تحمل المسؤولية مواطنين ومسؤولين، وجاء في معرض حديثه: “خاص يكون وعي عند عامة الناس مرتادي الفضاءات الطبيعية والمنتزهات الوطنية وخاص المسؤولين يديرو جهدهم في المحافظة على البيئة فالمنتزهات الوطنية”.
