أحمد الحاضي
الفنان سعد لمجرد من بعد الغياب على الساحة الفنية، رجع بالجديد، اللي داير البوز دابا فالفايس بوك.
سكان الفايس بوك بارطاجاو الديسك مع التعليقات اللي فيها شوية الطنز.
فايسبوكي كتب على صفحته: “لمجرد كيمعني على نيمار فاش كيقول داك المورسو (ما ربحتي والو ونسيتي كلشي)”.
ناشط فايسبوكي آخر كتب: “لمعلم كيبقى معلم”.
فاتيزو كتبت: “نصف مليون في ساعة. لمعلم عاد إليكم من جديد. إدير النمر إدير السبع إدير حتى الخفاش جااااات معاه. وا أخرج غير عطسة وأدير ليها كليب غادي تنجح”.
فايسبوكي آخر قال: “اليوم نقدر نقول أن سعد لمجرد “زقل” لأول مرة في الاختيار”.
الممثل طارق البخاري حتا هو بارطجا الأغنية وكتب: “عصير زعزع الجديد”.
فايسبوكي آخر نشر تدوينة: “لمجرد كيحكم فالساحة الفنية. انت معلم.