علق الفنان الكوميدي والمخرج عبد الله توكونة المعروف بـ”فركوس”، على الجدل الذي أثارته تصريحاته بخصوص ضرورة استمرار الحياة الفنية رغم الحرب في غزة.
وخلال حلوله ضيفا على برنامج “بدون لغة خشب”، على إذاعة “ميد راديو”، أمس السبت (2 دجنبر)، قال فركوس: “فلسطين راه فالقلب راه كندعيو معهم ولكن واش نجيو حنا وندخلو شعبان فرمضان”.
وتابع: “وحنا مالنا شغلنا جينا للمهرجان هدر معنا فالأفلام… جينا للمهرجان باش نفسو شوية على الناس اللي عندهم الهموم ونبدلو شوية راه شهرين هادي باش ضرب عندنا الزلزال”.
واستدرك فركوس، قائلا: “نقولو گاع زربت ما تسامحش ليا زلة لسان كيف كيقولو بالعربية… يلا دواو عليا إذا كيعرفوني وأنا مهم فالبلاد وكاين فنيا اللي انتابهو ليا”.
وشدد الفنان الكوميدي: “نهدر في صالح البلاد حنا مغرب آخر قدامنا 2025 و2030 خاصنا اليد فاليد وما نعگرو حتا واحد”.
وعن الرسالة الفنية الممكن تمريرها خلال هذه الظرفية، قال فركوس: “واش رسالة أنا هو عمر المختار حنا راه غير كنديرو أعمال كتفوج على المغاربة وكنديرو داك الشي ديالنا اجتماعي آشمن رسالة”.
وأكد عبد الله توكونة، بالقول: “أنا غير فنان جينا لهاد المهرجان اللي بغا يسولك خاصو يسولك على المهرجان ويلا بغا يهدر فالسياسة يهدر مع الناس ديال السياسة اللي كيفهمو فيها”.
وتابع: “أنا واحد الإنسان فنان كنحضرو للمهرجان باش نشوفو الفيلمات والصحافيين أما يلا بيتهدر معايا فالسياسة واش أنا سياسي أ خويا؟”.
