أكد الفنان الكوميدي والمخرج عبد الله توكونة المعروف بـ”فركوس”، أن الدعم الذي يقدم للأعمال الفنية، يستفيد منه من يستحقه.
وخلال حلوله ضيفا على برنامج “بدون لغة خشب”، على إذاعة “ميد راديو”، أمس السبت (2 دجنبر)، قال فركوس: “الدعم كيموت عليه كلشي ويلا ما كنتي كتستحق والله لا خديتيه”.
وتابع: “الفن ما بقاش فيه بيسطوني عندك شي حاجة زينة تفضل ما عندكش سير صايب شغلك مزيان”.
وعن قيمة الدعم الموجه للأعمال التلفزية، قال عبد الله توكونة: “فالتلفزيون كيعطيوك 100 مليون ما كيشيط والو يلا بغيتي دير فيلم مزيان داك اللي كيتعاود والناس بغاتو يتعاود حيت كيتخسرو فيه الفلوس بغيتي تصاوب فيلم بـ50 ولا 60 صاوبو راه داز”.
ولنجاح الأعمال الفنية، شدد فركوس، قائلا: ديرو تمغرابيت وما تقلدوش التواركة وداك الشي ديال برا
المسلسل اللي كيقلدو التواركة كيدوز بحال كلينيكس كيدوز ويتلاح “.
وأضاف: “دير تمغرابيت دير الدروبة والفران والمشاكل د باك وعمك وخالتك وهاديك اللي كتحبك ومتهدر معها من السطح… التواركة كيبسلو وما يمكنش نقلدوهم”.
وشدد فركوس، بالقول: “بغيتي الفن ديالنا يمشي بعيد هو دير ديالك وفرض راسك بديالك ياك عندنا الملحون شحال من فيلم يصدق فيها
علاش ما نديروش الأفكار ديالنا حنا “.
