بعد إعلان السلطات المينائية لطنجة المتوسط عن حركة عبور استثنائية في فترة زمنية قصيرة، فاقت مليونا و741 ألف مسافر هذا الموسم، قال فريد طنجاوي الجزولي، مدير القطب الإنساني لمؤسسة محمد الخامس للتضامن، “تركز الاكتظاظ في فترة قصيرة ومكثفة، بدات من الأسبوع الأخير من شهر غشت، وتحديدا ملي سالا عيد الأضحى المبارك، وتزامنات مع فترة الدراسة، وهنا كنتحدثو على إبحار وإركاب 140 ألف مسافر خلال 3 أيام فقط”.
وأضاف الجزولي: “غادي نحاولو نديرو تقييم دقيق لهاد العملية باش نتفاداو النقط السلبية اللي كانت هاد السنة، ونشوفو الإجراءات اللي ممكن نتاخدوها في النسخ المقبلة”.
وأوضح المتحدث أن “عملية الرجوع المكثفة بدات فالأسبوع الأخير من شهر غشت، خصوصا الناس اللي عندهوم الأطفال المتمدرسين ملي سالا عيد الأضحى، وبالتالي كان عدد كبير ديال الناس اللي خاصهوم يرجعو”.
ولم يستثن الاكتظاظ ميناء طنجة المتوسط، يضيف مدير القطب الإنساني، إذ “كان هناك اكتظاظ في جميع نقط العبور في المغرب، أما بالنسبة إلى ميناء طنجة المتوسطي، هو الميناء الكبير، وملي كتعمر الموانئ الأخرى عن آخرها كلشي كيتجه لهذا الميناء، وبطبيعة الحال، هو اللي سجل الأرقام الكبيرة، كتفوق الأرقام المسجلة في السنوات الفارطة”.
