قال المحلل السياسي والأستاذ الجامعي، عبد الرحيم المنار السليمي، إن انتقاده للنظام السياسي الجزائزي “ليس مبالغا فيه”، مؤكدا أن انتقاده يكون “مواكبا للأحداث ومبينا على حجج”.
وأضاف السليمي، خلال استضافته في برنامج “بدون لغة خشب”، اليوم الجمعة (16 شتنبر)، علد إذاعة “ميد راديو”، “كيردو علينا ببلاغ للخارجية ديالهم، وهاد دليل على عندنا تأثير وكاينين قنوات ديالهم اللي كتجاوب مباشرة”.
يهودي وعميل الموساد
وعن ما يتعرض له من هجومات من قبل جزائريين بسبب فيديوهاته، قال السليمي: “قالوا عليا يهودي وسماوني شمعون السليمي، شوية داروني من أذربيجان ودابا كيقولو عليا الشيخة منار السليمي، وما تصورش حجم الاستفزازات والتهديدات والسبان ملي كنبدا داك اللايف ولكن هاد الشي لن يؤثر”.
وتابع المتحدث: “قالوا عليا عياش مخزني وعندي مصادر صهوينة والموساد معول عليا أنا، راه هاد الهضرة صعيب يفهمها شي واحد عاقل، واش باقي شي واحد كيقول هاد الكلام؟”.
التيشورت ديال الناشط الفايسبوكي
وعن اتهامه بالتخلي عن جبة الأستاذ الجامعي وارتداء جبة الناسط الفايسبوكي، قال السليمي: “بالنسبة للتلفزة راه سكاي نيوز وروسيا اليوم والغد وفرنس 24 عندهم تعليمات باش أنا ومجموعة من الأساتذة ما ندوزوش، كيعطيو ليك باش تدوي على العلاقات الدولية ماشي على ملف الصحراء والملفات الوطنية”.
أما عن القنوات الوطنية، يوضح المحلل السياسي، “دوزيم ما كيعيطوش ليا، والقناة الأولى ما بقاوش كيعيطو، وحنا الآن ما عندناش التزام، و”ميدي 1″ كنا كنبداو فشتنبر ولكن الآن عندنا معلومات باللي استغنو على المحليلين”.
واعتبر الأستاذ الجامعي أن “الجامعيين فالعالم راه كيكون فالقنوات، أنا عندي فيوتيوب قناة سياسية وصنفنا يوتيوب مع القنوات السياسية عالميا، وفالجامعة كندير محاضرات وكنقري بقواعد، ملي كنجي للقناة كندير محلل ماشي كندير النظريات ونقري القانون الدستوري، أنا أستاذ جامعي في المدرج، وفالقناة كنستغل دوك المعاريف ديالي في التحليل”.
صباط ديال الاتحاد السوفياتي
ورأى رئيس “المركز الأطلسي للدراسات الإستراتيجية والتحليل الأمني” أن تركيزه على صور ومظاهر بعض الشخصيات المسؤولة في الجزائر لا ينقص من قيمة تحليلاته.
وأوضح السليمي: “راه كاين دراسة سميتها الأنثروبولوجية كتركز حتى على الطبخ، وهادي نوع من الحرب النفسية، واش أنت كتقول باللي أنت قوة عظمى وعندك صباط من أيامات الاتحاد السوفياتي؟، والكومبلي شخم؟، أنا ما كننتقدش الناس كننتقد المسؤولين… اييه مختص فسباط العمامرة اللي عندو رجل كبر من رجل”.
وزاد المتحدث: “أنا كننتقد المسائل اللي عندها علاقة بالجزائر واللي حاكمينها، ما عمري انتقدت مواطن جزائري نهائيا”.
التجييش والفتنة
ورفض ضيف “بدون لغة خشب” اتهامه بـ”التجييش وخلق الفتنة”، موردا: “واش أنا اللي غندير الانقلاب، دير حتى أنت قناة ورد عليا برأيك. كيفاش اندير الفتنة؟ حنا كنقولو ليهم راه كننتقدو تبون والعمامرة وشنقريحة، ماشي الجزائريين، أناكنهضر على المسؤولين، واش جاي عندك صالح عقيل وحاط ليه الحمص؟!”.
وتمسك السليمي بلقب “الكابرانات” الذي أطلقه على جنرالات الجزائر، مشددا على أنهم “مجرد كابرانات شوف شنقريحة واش داز من المسار العسكري العادي، شنقزيحة ما كيفهم فحتى حاجة دوز التهريب فالجنوب، كبر مع بن بطوش، وراه كيبان واش جنرال ولا لا غير من تصرفاتو”.
