في تعليقه على الفوضى وأعمال الشغب والعنف التي عرفتها الجلسة الثانية من دورة أكتوبر لمجلس مدينة الرباط، التي عقدت صباح اليوم الجمعة (20 أكتوبر)، قال عمر بلافريج، عضو المجلس، “هاد الشي كيبان لي أنا عادي حيث كل دورة هاكا دايرة”.
وأضاف المستشار عن فدرالية اليسار الديمقراطي، في اتصال هاتفي مع موقع “كيفاش”، “حنا عامين وحنا دايرين هاكا، ديما الدباز، مرة البيجيدي كيضرب شي واحد من البام ومرة شي واحد من البام كيضرب البيجيدي، إما كيتغاوتو إما كيضاربو”.
واعتبر المتحدث أن الهدف من هذه المشادات هو تعطيل النقاش حول المواضيع الجوهرية، قائلا: “الهدف من هاد الشي اللي كيديرو فيه هاد جوج فرق هو ما يكونش النقاش حول ما هو جوهري فمدينة الرباط، ويبقى ديما الصداع، وهوما رابحين فهاد الشي، والحوايج اللي خاص تناقش ما كتناقشش، المشاريع الكبرى ما كتناقشش والعمدة حتى هو ما باغيش يناقشها، وهوما البام فيما كيكون شي جدول أعمال كيبقاو يغوتو على نقط اللي هي تافهة وما عندها علاقة بجدول الأعمال وكيولي داك الشي فحال المدابزة دالزنقة”.
وعن من يتحمل مسؤولية هاد الوضع، قال بلافريج: “أنا كنأكد بجوجهم مسسؤولين، يمكن هاد المرة البام هو المسؤول… وما حد الرباطيين ما تحملوش مسؤليتهم وختارو ناس يستحقو يمثلهم غيبقاو هاد النمادج تسير لينا المدن الكبرى، وهذا هو المشكل الحقيقي، ناس بدون مستوى هوما اللي كيترشحو”.
وأضاف بلافريج: “مع الأسف هاد الشي اللي كاين، وأنا كنحمل المسؤولة لهاد الطرفين وهوما كيمثلو أكبر حزبين الآن فالمغرب، وهوما متحالفين في بعض المدن وفالمدن اللي ما متحالفينش فيها كيبداو يدابزو على حساب الساكنة اللي ما فراسها والو، وأيضا كنحمل المسؤولية للمواطنين ما خصهومش يبقاو خارجين على اللعبة الانتخابية”.
