على خطى الأستاذ هشام الفقيه، أطلقت الأطر التربوية لمدرسة الهادي أمغوز، ضواحي إقليم شفشاون، مبادرة لتزيين الحجرات الدراسية لاستقبال التلاميذ مع بداية الموسم الدراسي الجديد، ومساعدتهم على اقتناء بعض الأدوات المدرسية.
وقال الأستاذ أيوب غالي، متحدثا عن هذه المبادرة، “جات بعد نقاش مع الأساتذة والمدير حول النقص اللي كاين فالكتب اللي كتوفرها الدولة فإطار مبادرة مليون محفظة”.
وأضاف غالي، في تصريح لـ”كيفاش”، “هنا جات الفكرة أننا نحاولو نخصصو واحد القدر باش نشريو بعض الأدوات رغم أن داك الشي ما كافيش”.
وأشار الأستاذ غالي إلى أن هذه المبادرة “وفي الوقت اللي لقات فيه استحسان من البعض، لقات انتقادات من البعض الآخر اللي كيقولو أننا كنقلبو على أوسمة مع العلم أن المبادرة قمنا بها منذ يوم السبت أي قبل من منح الأوسمة لرجال ونساء التعليم”.
وقال المتحدث ذاته: “بحال هاد المبادرات راه كيقوم بها العديد من الأساتذة فقط أنه ما لقاوش اللي يبين هاد العمل الإنساني اللي كيقومو به”.
وانتقد رجل التعليم ذاته كيف أن “الأستاذ دائما ما كيحملوه مسؤولية فشل المنظومة التعليمية، وصحيح أنه جزء من هاد المنظومة ولكن ملي الأستاذ كيقوم بمبادرة أو من مالو الخاص كيعتبروها واجب عليه وهو فقط الحب ديالو للمهنة ديالو أو لدوك الأطفال اللي كيخليه يقوم بهاد المبادرات”.
وتعليقا منه على الالتفاتة الملكية الأخيرة بتوشيح عدد من رجال ونساء التعليم، قال غالي: “مبادرة طيبة اللي بطبيعة الحال لقات استحسان من طرف أسرة التعليم أو من طرف الشعب ككل لأن بهاد الالتفاتة كترد شوية الاعتبار للأستاذ اللي فقد القيمة ديالو فالآونة الأخيرة”.
