جمال الرياضي
تيق ولا لهلا يخليك تيق. إيريك غيريتس باغي يكون حاضر فمباراة الإياب بين المغرب والموزمبيق. أشنو؟ السيد، من بعد ما قال أنه باغي يمشي وقدم استقالة شفوية، تلاقى البارح الخميس (13 شتنبر)، مع رئيس الجامعة وقدم ليه برنامج إعداد المنتخب الوطني لمباراة 12 أكتوبر المقبل.
الفاسي مشى عند غيريتس للفيلا ديالو فالهرهورة باش يتفاوض معاه على فسخ العقد، إلا أنه فوجئ بأن المدرب البلجيكي ما بقاش غادي وباغي يلصق.
بعد ساعات من المفاوضات تبين أن غيريتس كان كيتفلا على رئيس الجامعة باش يخرج بأكبر قدر من المكاسب، حسب معلومات موثوقة حصلت عليها «كيفاش». غيريتس بغا يحافظ على صورتو على الصعيد الدولي، وطلب أن يكون الانفصال بطريقة تحافظ على صورته من خلال الإعلان عن انفصال بالتراضي خلال ندوة صحافية ضخمة مع الحصول على كامل مستحقاته وتعويض ترك للجامعة صلاحية تحديد قيمته. رئيس الجامعة التزم كذلك بتقديم الشكر إلى غيريتس علانية على الخدمات ديالو.
إيوا آسيدي بااااازززز!
