انتفض ادريس شحتان، رئيس الجمعية الوطنية للإعلام والناشرين، في وجه الجمعيات الرياضية وبعض المتطفلين على الميدان الصحافي، مشددا على أنه يتحدى جميع الواقفين ضد إصلاح القطاع.
وقال شحتان في رده على أسئلة الصحافيين على هامش اللقاء الإعلامي الذي انعقد اليوم الخميس (14 يونيو)، بمناسبة الانطلاقة الرسمية لبطاقة الملاعب، “اليوم كنعيشو لحظة تاريخية وحاسمة، وهاد النهار انتظرناه منذ مدة باش نوصلو لهاد اللحظة”.
وأضاف “للآسف شاهدنا القطاع الصحافي المغربي بصفة عامة، والرياضي بصفة خاصة، كيعيش فوضى عارمة وكيعيش التسيب، وأصبح القطاع يسيطر عليه من ليس له علاقة أو صلة بالصحافة الرياضية أو الصحافة بصفة عامة”.
وتابع “أصبح من هب ودب حاصل على بطاقة من جمعية من أحد الجمعيات، ويحتل منصة الصحافة والرقعة المتخصصة للمصورين الصحافيين، والصحافيون المهنيون لا مكان لهم ولا صوت لهم”.
وواصل “لذلك اليوم أصبحنا ملزمين باش ناخذو بزمام الأمور ونقطعو مع كل فوضى وكل تسيب ومع كل المتطفلين على هاد القطاع”.
وزاد شحتان “أنا اكتشفت أن ما عندناش جمعيات، عندنا دكائن، عندنا ريع، حيت أغلبية رؤساء الجمعيات كيتصلو بيا وواحد كيهضر في جمعية الآخر، كل واحد كيبين ليا بلي هو المنقذ والمصلح والباقي شيطان، ووصّلت هاد الشي لقجع وقال ليا ما زال ما شفتي والو”.
وشدد على أنه “كاين صحافيين مهنيين وشرفاء ووطنيين ولكن ما كيبانوش أمام غل الريع والفساد وميمّي”.
وأوضح رئيس جمعية الناشرين “بطائق الجمعيات لقيناهم عند ناس ما قاريينش وشوافرية ديال الطاكسيات وسرباية ديال القهاوي وناس خدامين في شركات جمع الأزبال مع احتراماتي لهاد الناس كاملين، وكيدخلو للتيران ويجلسو في منصة الصحافة وملي كيدخل الصحافي المهني ما كيلقى فين يجلس، الناس الجمعيات هما اللي وصلونا لهاد الشي”.
وختم شحتان حديثه بالقول “قالو ليا ما غاديش تقدر تصلح هاد القطاع وقلت ليهم غادي نصلحو، لأنني صاحب مشروع، حنا ولاد هاد المهنة وغادي نصلحوها، وحنا عارفين هاد الناس غادي يحاربونا ويواجهونا باش ما يتنظمش القطاع ولكن حنا عندنا القوة باش نقادو هاد الشي”.
