سناء عكرود بعد ظهورها في “مباشرة معكم”: ما نردش على المنتقدين حيت الهضرة ما كتساليش

أحمد فنان

سناء عكرود دمها بارد وما كتأترش بالانتقادات. كيفاش؟
في دردشة مع موقع “كيفاش”، قالت الممثلة المغربية باللي ما غاديش ترد على منتقديها بعد الخرجة الإعلامية في برنامج “مباشرة معكم”، والتي عاب عليها مجموعة من الناس كلامها عن الكريمة والتنظير بفوائد الأزمة الاقتصادية.
سناء قالت: “أنا ما بغيتش ندير خرجة إعلامية بسبب ما يقال، ولكن حتى يكون شي عمل فني وديك الساعة الواحد يدوي على العمل ديالو”. وأضافت: “الهضرة ما كتساليش والانتقاد ما كيساليش ويلا جينا تبعناه غادي نبقاو فبلاصتنا”.