خرجت المؤثرة وفاء الدهري، زوجة اللاعب الدولي السابق يوسف شيبو، عن صمتها بعد مرور حوالي شهر على حادث سير مميت في الرباط، وقع بينها وبين دراجة نارية كان على متنها شخصان، توفي أحدهما والآخر أصيب بجروح.
وروت زوجة شيبو في فيديو تقاسمته مع متابعي حسابها الرسمي على إنستغرام، جانبها من القصة، بعد الجدل الذي لاحقها.
وكشفت الدهري أنها بعد الحادثة المميتة سافرت إلى خارج الوطن من أجل تلقي العلاج، بسبب تدهور حالتها النفسية، مؤكدة أنها لم تستطع تجاوز ما وقع بسهولة.
وفي بداية الفيديو، قدمت الدهري اعتذارها لمتابعيها عن غيابها لمدة طويلة عنهم، دون إطلاعهم على تفاصيل الحادث.
وقالت: “سمحو ليا ما جاوبتكمش كنت فواحد الفترة ديال العلاج وقبل ما نشرح ليكم بغيت نقول الله يرحم السيد اللي مات فالحادثة والله يصبر عائلتو وعقلي وروحي ديما معاهم”.
وسردت الدهري تفاصيل القصة، وأوضحت: “نهار 21 أكتوبر كان وقع لي واحد الحادث مع الثلاثة ونص ديال النهار كان عندي موعد، ومع الثلاثة ونص وصلت لشارع محمد السادس فالرباط باش ندور على اليمين ندير المازوط ونكمل للبلاصة اللي غادي نتلاقى فيها مع الناس”.
وتابعت: “دايرا الصمطة ديالي وعندي الوراق ديالي وكلشي مزيان ما غاداش بسرعة وشارع محمد السادس ما يمكنش تمشي فيه بسرعة وفاش بغيت ندور على اليمين ما بانش ليا فالمراية باللي موطور جاي بسرعة والسيد اللي مات تضرب فصدرو مع الكوفر ديال الطوموبيلة البيضة اللي كانت قدامي واقفة”، لافتة إلى أن “السيد اللي كان معاه دغيا ناض أنا هبطت من الطوموبيل والمرحوم كان كيغوت هاديك الساعة”.
وأردفت: “داتو الإسعاف ومن موراها ب4 سوايع جاتنا الخبار باللي توفى وبداو الإجراءات اللي خاص يدارو ودوزت فالكومياسرية 48 ساعة، وقالوا ليا هاد من 48 ساعة لدواعي أمنية وصافي هاد الشي اللي طرا”.
وقربت زوجة شيبو متابعيها من وضعها، قائلة: “مرضت فيها بزاف حيث أنا شفت هاداك الشي وأنا من موراها خرجت برا المغرب نتعالج حيث كنت غادي نحماق وكنت كنغوت وكنقول ما كرهتش أنا نموت فبلاصتو”، مبرزة أن ما مرت به لم يكن سهلا.
وأكدت الدهري أنها زارت عائلة الفقيد وقدمت تعازيها لهم، وبعد ذلك قررت السفر خارج أرض الوطن للعلاج.
واسترسلت: “هاد الشي صعيب بزاف حيث واخا يكون قلبك حجر صعيبة بزاف والحمد لله دابا رجع ليا عقلي كانوا كيجيوني كوابيس والحمد لله على قدر الله وأي واحد يقدر يطرالو هاكا”.
https://www.instagram.com/reel/DCtTsjhNn0F/?igsh=ZXB4M3JxcWVtdjRz
يذكر أن النيابة العامة تتابع زوجة شيبو في حالة سراح مع أداء كفالة مالية قدرها 30 ألف درهم.
