الشاف فايسبوك
من بعد الفيديو ديال حمام مجلس المستشارين (المرفق مع المقال) مشى موقع “كيفاش” دار سؤال في صفحته على فايس يوك، وكان السؤال بسيطا هو: “آش بان ليكم في مجلس المستشارين؟؟”، وها الأجوبة.
أشرف: كيديرو اللعاقة باردة.
سيمو: حلايقية.
محمد الجازولي: ولات مهزلة في الحوار والتعامل.. حسن ما يبقاوش يدوزو داكشي في التلفزة.
أسماء حاجي: ما مجلس ما والو.. غير الأناني على خوه من الوزراء وزيد.. كون غا سدو ديك القبة ولا يسترو عيبهم وما يبقاوش يبانو فالتلفزة ودابزو بيناتهم.
ياسين خال: حمام لعيالات.
كريم المعناني: (…) نهار كانو في المعارضة كانو واكلين وساكتين!! فين عمرك شفتي لشكر أو الراضي غير كيهدرو فاش كانو في الأغلبية تال دابا عاد بغا يترجلو! العجب.
سافير: كاليك الذيب جا عندو ولدو أو كال ليه: الواليد كل ليلة لحم كل ليلة لحم واش هاد الشي كتخلصو أولا فابور؟ جاوبو باه: النهار اللي ما غاديش نجي أولدي عرفني كعدت نخلص… أوى هادو كلاو أشربو في الشعب… اللي ما خلص هنا راه غادي يخاص يخلص يشوف غير كيفاش واش ديطاي أولا جملة.
المهم اللي بغى يكمل أو يعطي رأيو يمشي يشوف حائط “كيفاش” على صفحته الرسمية في فايس بوك. كليك هنا.