عرفت مباراة الديربي البيضاوي بين الغريمين التقليديين الوداد والرجاء، والتي أقيمت يوم أمس الأربعاء (5 أبريل)، على أرضية موكب محمد الخامس بالدار البيضاء، جدلا تحكيميا كبيرا.
ومباشرة بعد نهاية المباراة، تعرض الحكم رضوان جيد، إلى انتقادات لاذعة من قبل لاعبي ومشجعي الفريق الأخضر، الدين شددوا على أن فريقهم تعرض إلى ظلم تحكيمي كبير أمام الغريم.
ووصف رجاويون تحكيم رضوان جيد بـ”السيء”، مطالبين بتعيين حكام أجانب في المباريات الكبيرة للنادي.
وفي تعليقه على الموضوع، قال الحكم الفيدرالي السابق، عياد عبد الحق، في تصريح لموقع “كيفاش”، إن مباراة الديربي من أصعب المبارايات، مشيرا إلى أن الطريقة التي قاد بها رضوان جيد مباراة يوم أمس هي الطريقة التي يطبقها جميع الحكام في الديربيات.
وقال الحكم عبد الحق “بالنسبة لمقابلة الوداد والرجاء ما كانتش أخطاء تحكيمية اللي غادي تأثر على المقابلة، يعني كانت أخطاء اللي كتبقى السلطة التقديرية للحكم”.
وأضاف “رضوان جيد معروف بالتجربة والحنكة وقوة الشخصية ديالو يعني هو حكم عندو شخصية قوية ما كيخليش الشجارات والاصطدامات بين اللاعبين”.
وأشار الحكم الفيدرالي السابق إلى أنه “فمقابلة الديربيات كانت كتجينا تعليمات باش ما نخليوش الاصطدامات بين اللعابة، حيت يلا خليناهم غادي يوقع الصداع، يعني غير اللعاب يمس الخصم خاص الحكم يصفر على خطأ، هاد الشي اللي ما فاهمينش الناس أن الديربي خاصك تعامل معاه بهاديك الطريقة”.
وبالنسبة لضربات الجزاء، قال الحكم ذاته إنها “كانت واضحة لا الأولى ديال الرجاء ولا ديال الوداد”.
وأرضح “بالنسبة اللي كيهضرو على الوقت، الوقت البدل الضائع را عادي يتزاد، را ملي صفر 8 الدقايق را كانو تغييرات وكانو لعابة اللي مصابين والطاقم الطبي دخل لوسط التيران يعني راهم ضيعو الوقت، عادي الحكم يزيد جوج ولا ثلاثة ديال الدقايق يعوض هداك الوقت اللي ضاع”.
وختم الحكم حديثه بالقول إنه “بالنسبة للديربيات كاين حكم واحد فالمغرب كامل اللي كمل المقابلة بدون بطاقة صفراء وبدون بطاقة حمراء هو الحكم سليمان البرهمي هو حكم دولي متقاعد من عصبة الشرق، يعني 90 دقيقة بدون بطاقات وكان معاه المساعد الاول يحيى الغور را اعتزل حتى هو وكان معاه ميمون بقال حكم فدرالي حتى هو من وجدة”.
