في أول تعليق له بعد الجدل الذي أثارته تدوينته على لاعب المنتخب الوطني المغربي، يوسف النصيري، والتي جاء فيها أن “لجنة الفيفا لمكافحة المنشطات تطالب النصيري بتناول المنشطات”، أكد الدولي المغربي السابق، مراد حديود على أنها جاءت فقط من باب البسط، مشددا على أنه من الرياضيين الذين دافعوا سابقا عن اللاعب.
وأوضح حديود في اتصال هاتفي مع موقع “كيفاش” أن تدوينته على يوسف النصيري تم تأويلها، قائلا “المشكل أن التدوينة تم تأويلها واللي أولوها هما ناس كنت كنعتبرهم بالأمس أصدقاء وأخوة، وتكلمو بالطريقة اللي بغاو وكل واحد كيلغي بلغاه”.
وأضاف “التدوينة كانت عادية من باب البسط كنضحك مع واحد الإخوان في واحد الكروب وكتبتها بدون تفكير، وأنا ما عندي عداوة لا مع النصيري ولا مع حتى شي لاعب آخر، والدليل هو أنني أنا أول واحد كان كيدافع واحد الوقت على النصيري”.
وشدد على أن “الناس اللي كيفهو في كرة القدم راه فهمو أن التدوينة ما عندها علاقة بالرياضة، ولكن كيبقى فيك الحال ملي كتشوف ناس كنت كنعتبرهم خوتي كيقولو إن مراد حديود كيشجع على المنشطات وبأن مراد ما كانش عليه يتكلم في هاد الأمر”.
وقال حديود في تصريحه للموقع إن “يلا دخلتو للصفحة ديالي غادي تلقاو أنني كندير مستملحات مرة مرة كنضحك بهم… ما يمكنش نتحكم في التفكير ديال الناس حيت كل واحد كيفكر بطريقتو وأنا ما عنديش مشكل من هاد المهاجمة حيت أنا النية ديالي ماشي باش نضر شي حد”.
وتابع “أنا واحد الوقت 80 ولا 70 ألف متفرج سبوني، وكاين مدرب اللي طلع في الميكرو وقال براكة علينا من حديودات ولكن فاش تلاقيتو سلمت عليه سلام الرجال، الإنسان خاص يكون كيتفهم الأمور حيت بعد المرات الأمور الشخصية ما عندها حتى علاقة بالأمور اللي أنت كتعيشها لا بالجامعة ولا بالمسيرين ولا والو”.
وواصل اللاعب المغربي السابق “بنادم ما خاصوش يركب على الموجة، أنا الواليد ديالي ميّت الله يرحمو والناس ناضو كيعايرو فيه هاد الشي كيضر في الخاطر، الأم والأب ديالي أش دارو ليكم؟”.
وختم حديثه بالقول “أنا لا أخاف أحد، ولكن كلمة الحق كنقولها واللهم عندي مشكل مع النصيري والله شاهد على ما أقول، ويمكن هاد التدوينة اللي درت تكون شي حاجة زوينة وتقلق النصيري ويخرج أكثر ما عندو ويكون في مستوى أحسن من اللي فيه”.
يشار إلى أن تدوينة حديود خلفت ردود فعل قوية، بعدما رفض جل متابعيه، تصرفه تجاه اللاعب المغربي، مشددين على أن الواقعة غير احترافية من لاعب سابق.
يذكر أن النصيري شارك أساسيا في المباراة التي جمعت المنتخب الوطني المغربي وديا بمنتخب التشيلي، يوم الجمعة الماضي (23 شتنبر)، واتهت بفوز أسود الأطلس بهدفين دون رد، لكن مستواه لم ينال إعجاب الجماهير المغربية، فضلا عن تضييعه فرصا للتسجيل بطريقة زادت من غضبهم.
