القصد هو دمية بنكيران التي “تقصر” بها قناة “نسمة” التونسية في الأيام الأخيرة. شخصيا أجد الأمر ممتعا للغاية، حتى وإن كان فيه شوية ديال الزيادات بعض المرات، ولكن بما أن القضية فيها غير الضحك، واخا الضحك حتى هو سياسة، نقولو ما كاين باس، خليونا نتفرجو.
قلت إن الأمر ممتع، وكان بالإمكان أن نكون سباقين إليه، ولكن لا أحد يدري لم لا نملك الجرأة لنصور زعماءنا السياسيين بأشكال كاريكاتورية، ونلعب بهم في التلفزيون، مع العلم أن شي وحدين كيضحكونا بلا ما نرسموهم في شكل مونيكات.
تصورو معايا شي برنامج بحال داك الشكل نجمعو فيه بنكيران وشباط والوفا ولشكر وخيرات وإلياس العماري وغيرهم من الشخصيات التي تنشط بطولة السياسة هاد الأيام؟. ألن يكون الأمر ممتعا، منها نضحكو، ومنها نهرسو الدينصورات، ومنها نفهمو السياسة، ومنها نخليو المغاربة يحسو باللي هادوك حتى هوما بشر.
مشكلتنا في المغرب هي أن رجال السياسة قشابتهم ضيقة، وكلامهم خشبي، وحتى يلا شي حد بغا يكون شعبي كيسميوه شعبوي. إيوا يلا كانت هادي هي الشعبوية الله يطلينا بيها.
تشاو تشاو.
