وقع الكوميدي أسامة رمزي، منذ إعلان ارتباطه رسميا بالمؤثرة أميرة مرتضي، ضحية للتنمر والمتنمرين على مواقع التواصل الاجتماعي.
وانتقدت فئة من النشطاء « شكل » رمزي، واستصغروه، ووصفوه بعبارات جارحة، ونعتوه بصفات قبيحة، فقط بغرض إيذاءه.
وقد لا يعي كثيرون أن التنمر له أضرار كبيرة على نفسية الشخص الذي يقع ضحيته، قد تؤدي أحيانا إلى نهايات خطيرة.
المعلقون نوعان
ومن التعليقات السلبية التي توصل بها رمزي، « دراري متفقدوش الأمل هاهو خايب وهبيل وداها زوينة »، و »واش تا المونغولیان تاهوما ولاو يتزوجو ».
وفي المقابل دافعت فئة عريضة في تعليقاتها وتدويناتها على السوشيل ميديا، عن أسامة رمزي الذي فضل عدم الرد على المتنمرين.
وجاء في أحدها: « ديك الفئة لي كيغولو بحال هاد الهضرة راه هما لي مونغوليان في عقلهم كون كانو واصلين واحد درجة ديال لوعي وميحسدوش… ميغولوش ديك الهضرة أودي الله يهدي ماخلق ».
وعلقت إحداهن: « أنا عجبوني ماشاء الله الله يكمل عليهم بالخير كاين واحد نوع ديال بنادم فيه المرض ديما كي بغي ينقص من الشخص و ديما كي بغي يطيح من قيمتو لاحول ولا قوة الا بالله ، الواحد يقول ماشاء الله تبارك تبارك الله و الله يسهل على أي واحد ».
وأضافت أخرى: « بعدا متبعاه كيعجبني فاعمالو مبروك عليهم ».
ما هو التنمر؟
وفي اتصال مع موقع « لالة بلوس »، شرحت الأخصائية النفسية سكينة العزيري ظاهرة التنمر، كما أبرزت دوافعها ومدى خطورتها.
وقالت العزيري: « التنمر ظاهرة ولينا كنشوفوها مؤخرا بزاف وهي أننا نبداو نستهزئوا بالشخص الآخر سواء بالشكل ديالو بطريقة الهضرة الهضرة ديالو سواء باللون ديالو أو طريقة اللبس ديالو ».
وأضافت: « هاد الاستهزاء كيولي كذلك استصغار من الشخص وكنبداو نحطمو فيه ونهبطو ليه من المعنويات ديالو بألفاظ وكلمات وإيحاءات اللي كتضر الشخص الآخر ».
من هو المُتنمر؟
من الجانب النفسي تقول العزيري في الاتصال إن « المتنمر هو اللي شخص ضعيف هو اللي عندو نقص وعندو عقد وعندو اضطرابات وأشياء ناقصاه في حياتو كتخليه يبني حاجز باش الآخرين ما يهاجموهش يهاجمهم هو ».
مخاطر التنمر
وكشفت الأخصائية النفسية أن للتنمر آثار سلبية على الضحية منها الانعزال والانطوائية، وأحيانا الإقدام على الانتحار.
وأضافت: « الشخص اللي كيتنمرو عليه إيلا كانوا عندو ضغوطات أشياء شخصية سواء عندو اضطرابات فحياتو فكيزيد بداك التنمر يوقعو ليه اضطرابات ويوقع لو عقد نفسية ».
وتابعت: « وفي حالة ما كانتش عندو الشخصية قوية باش يواجه التنمر فهاد التنمر ممكن يخليه شخص منعزل وشخص انطوائي وشخص كيفقد الثقة فنفسو وفالناس اللي دايرين بيه وممكن الشخص أحيانا يفكر حتى فالانتحار
أو يولي عنيف ».
