الصراعات بين الفنانين غادية وكتزيد فهاد شهر أكتوبر.اليوم الاثنين (14 أكتوبر)، سلمى رشيد وابتسام تسكت ما صبروش وخرجوا يجاوبوا دنيا بطمة. كيفاش؟
فالحوار اللي دارت الفنانة المغربية دنيا بطمة في برنامج “عندي ما يفيد” مع الإعلامي مراد العشابي، قالت باللي الفنانات المغربيات جميلة البدوي وسلمى رشيد وابتسام تسكت دارو تعديلات في الوجوه ديالهم، وخرجات سلمى وابتسام كيردو على باطمة فإنستغرام.
البداية كانت مع الفنانة ابتسام تسكت واللي نشرات على الحساب ديالها صورة ليا وهي صغيرة، ودارت معاها تدوينة باش ترد على دنيا بطمة اللي قالت باللي تسكت نافخة الشفاه ديالها. وقالت ابتسام في التدوينة: “لا حاجة للإبر من عند الله منفخين، ينطق السفيه بما فيه”.
ومن جهتها، ردت سلمى رشيد على دنيا بطمة ونشرت على حسابها على إنستغرام بتقنية ستوري حكمة للكاتب مصطفى محمود يقول فيها: “جرب ألا تشمت ولا تكره ولا تحقد ولا تحسد ولا تيأس ولا تتشاءم، وسوف تلمس بنفسك النتيجة المذهلة، سوف ترى أنك يمكن أن تشفى من أمراضك بالفعل، إنها تجربة شاقة سوف تحتاج منك إلى مجاهدات مستمرة ودائبة مع النفس ربما لمدى سنين وسنين”، مضيفة: “الله يشفيك وإن شاء الله تقدري تتذوقي طعم النجاح بأعمالك وليس بمشاكلك”.
