الفنان طارق البخاري، المعروف بحبه للوداد الرياضي، قلد اللاعب الرجاوي محمود بنحليب، اللي قشب على الوداديين فواحد “اللايف” فالأنستغرام، نهار الرجاء ربحات الفتح.
تقليد البخاري لبنحليب ما عجبش شي رجاويين، اللي عصرو عليه، وكاين اللي يبدا يسب فيه، وكاين اللي بدا ينشر تصاورو ويديرهم فوتوشوب.
شي رجاويين شدو تصويرة البخاري مع الفيزازي وقالو ليه غادي يشدك ويدير ليك ما دار لحنان، اللي كتقول أنه كان مزوج بيها بالفاتحة.
الإعلامي في قناة الرياضية محمد عبد الرزاق نشر تدوينة كتب فيها: “خرجة إعلامية غير مسؤولة من هذا الفنان الذي تناسى خطوطه الحمراء وادعى انه ودادي قح. يا سيدي ادفع أولا ثمن تذكرة الولوج إلى الملعب دعما منك للفريق عوض تلصاق للدخول بالمجان وهاديك الساعة عاد يحصل لك الشرف تقول وداد والدليل باي صفة دخل إلى مستودع ملابس اللاعبين.. سالت ومخرج عينيه”.
