محمد المبارك
فيرناندو فرانكو دي اوليفيرا برازيلي، عندو 40 سنة، وكان قبل سنوات صرح باللي هو من عبدة الشيطان، ودار بزاف ديال عمليات التجميل باش يرجع، حسب اعتقاده، على شكل “شيطان”.
البارح الجمعة (1 دجنبر) دار لايف على صفحته فالفايس بوك، واللي عندو فيها أزيد من 400 ألف متابع، منهم عدد كبير من المغاربة، وعلى أنغام موسيقى عمرو دياب والشاب خالد والشاب طه، بدا كيهدد العرب باللي غادي يشرب من دمهم بما أنهم مسلمين، وكاتب بالماسونية وكيقول “أنا هو الشيطان وأكره العرب”. الناس اللي كيكتبو بالعربية كيقوليهم عندي برامج اللغة وكنفهم اش كتقولو، ثم رفع أعلام عدد من الدول المسلمة من بينها المغرب.
هاد الشي خلى ردود ساخرة، منها: “شنو بغيتي عند العرب يكفي أنهم زادو ثمن المحروقات البارح”.
