طالب رواد على مواقع التواصل الاجتماعي بتعطيل الدراسة عند خوض المنتخب الوطني المغربي مباريات كأس العالم قطر 2022.
ودعا رواد مغاربة وزارة التعليم إلى السماح إلى التلاميذ والأساتذة بمتابعة مباريات الأسود، دون اقتطاع ذلك من أجور الأساتذة.
وفي تعليقه على الموضوع، طالب نور الدين العكوري، رئيس الفدرالية الوطنية لجمعيات أمهات وآباء وأولياء تلاميذ المغرب، هو الآخر، وزارة التربية الوطنية بمنح التلاميذ والأساتذة فترة توقف استثنائية لمتابعة مباريات أسود الأطلس في المونديال.
وقال العكوري في تصريح لموقع “كيفاش” إن “التلاميذ غادي يتفرجو غادي يتفرجو فالماتش حنا عارفينهم كيف دايرين، حنا قلنا علاش وزارة التربية والتعليم ما تعطيش للتلاميذ الحصص اللي غادي يكون لاعب فيهم المنتخب الوطني باش يتفرجو”.
وأضاف “را يلا ما عطاوهمش الحصص اللي غادي يكون لاعب فيهم المنتخب الوطني غادي نلقاو مشاكيل، غادي يدخلو البورطابلات للمدارس والأقسام يعني من الأحسن يمنحوهم هادوك الحصص”.
وتابع “حنا هضرنا على المدارس العمومية والخصوصية حيت كلهم مغاربة ماشي عزلنا”.
وأوضح “هاد المسألة ديال مباريات المنتخب الوطني خاصها تكون مبرمجة في الجدول الزمني ديال التلاميذ، حيت ملي كيكون الفريق الوطني لاعب را بحال يلا كاينة محطة وطنية وبحال يلا عيد وطني، حيت المنتخب كيتابعو كبير وصغير وهاد المحطة خاصها تخاذ بعين الاعتبار لآنه غادي يكون الخلل داخل المؤسسات التعليمية”.
وختم حديثه بالقول “الحصة ما غاديش ضيع للتلاميذ حنا غادي نحطوها فبرنامج الاستدراك، يعني من بعد غادي نعوضو ليهم هاديك الساعتين اللي مشات”.
يشار إلى أن المنتخب الوطني سيواجه، يوم غد الأربعاء (23 نونبر)، في أول مباراة له بالمونديال منتخب كرواتيا على الساعة الحادية عشرة صباحا بالتوقيت المغربي.
