استغربت ليلى بنعلي، وزيرة الانتقال الطاقي والتنمية المستدامة، من عدم اهتمام مواقع التواصل الاجتماعي بالحل الذي وصلت إليه الحكومة في ملف الغاز الطبيعي.
وقالت: “ملي قلت أحب من أحب وكره من كره ايدخل الغاز للمغرب، علاش هادي ما هضرتوش عليها؟”.
وأضافت المسؤولة الحكومية، في برنامج “بدون لغة خشب” على ميد راديو، متحدثة عن أنبوب الغاز المغاربي الأوربي الذي أوقفته الجزائر: “هاديك كونطرا ديال 10 سنين كانت غتسالي فأكتوبر 2021، وأنا كفاعلة سياسية كيخص يكون عندي پلون أ وب وسي، كان مقترح أننا نستعلمو الوقود الأحفوري والفحم الحجري، ولكن هاد الشي ما داخلش فالسياسية الطاقية للبلاد، واشتغلنا من أكتوبر حتى ليونيو، باش نلقاو الحل، وتدخلات بلاد اللي ما عمرها ما شرات الغاز الطبيعي من السوق الدولية، وأول مرة فتاريخ الأنبوب غينعكس الاتجاه ديالو”.
وأضافت: “اشتغلنا بهدوء ولقينا ناس وشركاء خارج المغرب، الوزيرة الإسبانية والوزير البرتغالي هاد الشركاء تفاعلنا معاهم بكل مصداقية وشفافية، وبقينا غاديين دقة دقة، وكانت ضغوطات جيوسياسية واقتصادية، ودرنا داك شي بحكامة وهدوء… ودابا أزمة الغاز ما كاينش، وهاد الصيف إن شاء الله كلشي غادي على ما يرام فقطاع الطاقة والتنمية المستدامة”.
