فالوقت اللي المناضلين شادهم العگز على كلمة الحق، التشهير والترويج للأخبار الزائفة ولّا كيوكل الخبز لصحاب دكاكين التشهير بالمناولة. كيفاش؟
“اعتقال” الرمضاني
بتهكم وسخرية، علق الإعلامي رضوان الرمضاني، ضمن حديثه في برنامح “غرفة الڤار” على إذاعة ميد راديو، مساء أمس الاثنين (3 يوليوز)، على ترويج أخبار عن اعتقاله بسبب المخدرات.
وقال صاحب بدون لغة خشب، ساخرا: “تشديت بسبب المخدرات الحمد الله ما لقاوش عندي شي حاجة ديال النصب والاحتيال والتهديد هادوك گاعما كيشدو بعادين كيهربو”.
وأوضح الإعلامي، أنه “كاين واحد الصفحة على الفايس بوك وقناة على اليوتوب ادعت في عنوان لا علاقة له بمضمون الفيديو بأن عبد ربه تعتقل وكاتبين اعتقال صحافي”، منتقدا المستوى الذي أصبح عليه النقاش.
نقاش “الغيس”
وأبرز الرمضاني، أنه “في قواعد اللعب النظيف خاص يكون عندنا حدود ديال الأخلاق حد أدنى ديال الترابي والنقاش… ولكن بان بأن ماشي كلشي كيعرف يناقش بالأخلاق ويدافع على أفكاره بالأخلاق كاين اللي بنى شخصيتو كلها على الغيس وملي كتخرج الذي ألف الغيس من الغيس ما كيقدرش كيخصو يرجع للغيس وكيحاول أنه يديك معه”.
وتساءل الإعلامي، قائلا: “شنو ذنب إنسان يحترف الصحافة زعما فاش غتلعب معه واش هو فاعل سياسي أو اقتصادي كينافسك؟ “.
وشدد الرمضاني في رده على المزايدين” حنا في منبر عندنا مسؤولية وما كنجيوش وندوزو الدكاكة على عباد الله نقولو اللي بغينا ونخليو اللي بغينا هاد الناس ديال المناولة اللي كيقبلو على نفسهم السخرة وكيعتاقدو أن گاع الناس لوخرين كيديروها لأنه ما عندهمش شخصيات”.
نضال آخر الزمن
وعن “مناضلي الگريمة”، قال الرمضاني: “كنت أوقع واهما أن من يحسبون أنفسهم منتمين إلى الحلف المقدس للنضال يكونو أول من يقول حشومة هاد الشي فإذا به ما كاين لا نضال لا مولاي بيه”.
وتابع “كاين جماعة ديال الناس عندهم مصالح شخصية ونفسية كيتسناو غير فين طيح… أنا كنختلف معك في التقدير حقي والمفروض فيك انت اللي تدعي أنه عندك الگريمة ديال حقوق الإنسان والنضال تقول هداك حقو يدافع على من يشاء”.
وعن أطروحة “يلا ما تشيديتش فالحبس راك ماشي صحافي”، شدد الرمضاني “لا أنا صحافي رغم أنفك وبلا ما نتشد فالحبس”.
