• تغير المناخ والفقر والحق في التعليم.. قضايا مُلِحة على طاولة مجلس حقوق الإنسان
  • كأس العرش.. المغرب التطواني يهزم أولمبيك خريبكة ويتأهل النصف نهائي
  • خطر وشيك يهدد الغابات.. الوكالة الوطنية للمياه والغابات تدعو للحيطة والحذر
  • حكيمي: نحظى بفترة مميزة ونسعى لبلوغ نهائي كأس العالم للأندية
  • في 8 مدن.. حموشي يؤشر على تعيينات جديدة في مناصب المسؤولية بمصالح الأمن الوطني
عاجل
الإثنين 16 يوليو 2018 على الساعة 23:10

الطبيبة اللي ولّدات مرا فالطيارة بين كازا ومونتريال: ما كنتش عارفة واش نقدر نديرها (صور)

الطبيبة اللي ولّدات مرا فالطيارة بين كازا ومونتريال: ما كنتش عارفة واش نقدر نديرها (صور)

محمد المبارك

قصة السيدة اللي ولدات على متن الطائرة اللي غادية من الدار البيضاء إلى مونتريال كانت مليئة بالأحداث الجميلة، خاصة أن طبيبة متدربة من ركاب الطائرة هي اللي تشجعات وولدات المرا الحاملة.
الطبيبة فاطمة الزهراء بنعبد الرازق روت، لموقع “كيفاش”، الظروف اللي مرت فيها الولادة من البداية، وقالت: “أنا غادية لمونتريال باش ندوز سطاج من بعد ما ساليت السنة السادسة ديالي في المغرب، وواحد مضيفة طيران قالت ليا باللي سيدة جاها آلالام المخاض وغادي تولد في الطائرة، وقلت ليهم أنني ما زال ما طبيبة رسميا وخاص ديرو نداء في الطائرة لعل وعسى يكون شي مختص معنا”.
وأضافت فاطمة الزهراء: “دارو النداء وما كان حتى واحد، فتشجعت وقررت نتكلف، درت الإجراءات الطبية اللازمة وعرفت أنها غادي تولد ديك الساعة، قلت للسيد المكلف يوجد الأدوات ديال الولادة، ثم درت اللازم وولدت السيدة قبل ما تنزل الطائرة، وفاش وصلنا للمطار في كيبيك وجاو رجال الإسعاف وشافو الأم والطفل قالو ليا 5 أو 6 مرات: عمل جيد”.
ولم تخف الطبيبة سعادتها بما قامت به، قائلة: “كنت فرحانة بزاف خاصة أنني شفت الدري واللي تزاد في الشهر السابع والأم ديالو في صحة جيدة، وما تصورتش أنني نقدر ندير هاد الشي بوحدي بدون طبيب مختص”.