كشف الباحث في السياسات والنظم الصحية، الدكتور طيب حمضي، عن أعراض فيروس جدري القردة، مشيرا إلى أنها تشبه أعراض “الرواح”.
وقال حمضي في تصريح لموقع “كيفاش” إن أعراض جدري القردة تشمل “الحمى والسخانة وألام المفاصل وألم الرأس وألام العضلات والإرهاق بحال أي مرض ديال الرواح”، مضيفا أنه “من بعد 3 أيام ولا 4 أيام ديال هاد الاعراض اللي ذكرنا، كيبانو بعض الأعراض فجلد الإنسان زائد بعض الولسيسات والغدد اللمفاوية كيتنفخو”.
وتابع حمضي “الأطباء توجهت ليهم مذكرات شنو خاصهم يديرو ملي تجيهم شي حالة مشتبه إصابتها بهاد الفيروس، والمواطنين اللي بانو عندهم هاد الأعراض يمشيو عند الطبيب”.
وأوضح الطبيب الباحث أن “جدري القردة كينتقل من الحيوان للإنسان، ولكن من إنسان لإنسان كينتقل بشكل ضعيف وكيخص الاحتكاك يكون قوي بين جوج دالناس ولا داخل العائلة عاد يمكن تكون عدوى”.
وشدد حمضي على أن “الناس اللي كيكون مشكوك فيهم كيتم العزل ديالهم صحيا حتى كيتم التأكد من الحالة ديالهم، ويلا كانت الحالة ديالهم مؤكدة را كيتم العزل ديالهم لمدة 20 يوم حتى يصحو”.
وأكد حمضي على أن “المواطنين خاصهم ياخذو الاحتياطات ديالهم العادية مثل التباعد وغسل اليدين وما يشاركوش الحوايج ديالهم مع أشخاص أخرين ورا ما كاين حتى شي حاجة كتدعو للقلق”.
يذكر أن وزارة الصحة أعلنت، يوم أمس الاثنين (23 ماي)، عن تسجيل 3 حالات مشتبه في إصابتها بجدري القردة في المغرب.
وأفاد معاذ المرابط، منسق الطوارئ العامة في وزارة الصحة والحماية الاجتماعية، في تصريحه، أن هذه الحالات الثلاث توجد في صحة جيدة، وتحت الرعاية الصحية والمراقبة، وخضعت للتحاليل الطبية في انتظار النتائج.
