عبر الناخب الوطني وليد الركراكي عن عدم رضاه على أداء المنتخب، خاصة في الشوط الأول، موجها رسالة شديدة اللهجة إلى اللاعبين.
وقال الركراكي في تصريح لقناة الرياضية عقب الفوز على المنتخب النيجيري بهدفين مقابل هدف وحيد، مساء اليوم الجمعة (21 مارس): “الماتش ما كانش ساهل، واللي ما عجبنيش هو الشوط الأول، ضيعنا 45 دقيقة، واخا بين الشوطين هضرت مع الدراري باش نبدلو وجهنا، ومع ذلك دخلنا ناعسين”.
وأضاف الركراكي: “دخلنا ناعسين، وديك التصرفيقة ديال البيت فيقاتنا، واللاعبين اللي دخلو في الشوط الثاني عطاو الجهد ديالهم، والجمهور عاونا بزاف. يمكن في مدينة أخرى ما كانوش غيشجعونا بحال اليوم، ولكن هاد الجمهور بقا واقف معنا”.
وتابع الناخب الوطني: “استاهلنا الرباح، جاونا بزاف ديال الفرص وضيعناهم، ولكن مزيان قبل كأس الأمم الإفريقية نلعبو ماتشات بحال هكا باش يبقاو رجلينا في الأرض، وحنا دابا اللي كيهمنا هو النقاط الثلاث. والشوط الأول غيعلمنا بزاف.”
أما بخصوص التنافس داخل المجموعة، فقد وجّه الركراكي رسالة قوية للاعبين، قائلا: “عندنا الجودة في دكة البدلاء، والدراري خاصهم يسمعو هاد الهضرة.. اللي نعس كاينين دراري في دكة البدلاء غادي يقدرو يديو ليه البلاصة، حيت البلاصة دابا فالمنتخب غالية، واللي ما غاديش يعطي، غادي يجلس.”
