تفاعل الناخب الوطني، وليد الركراكي، مع الجدل الذي لاحق انتقال لاعبين مغاربة إلى الدوري السعودي والقطري، خلال فترة الانتقالات الحالية.
واعتبر الركراكي، في الندوة الصحفية التي عقدها صباح اليوم الخميس (31 غشت)، للإعلان عن اللائحة النهائية للنخبة الوطنية، أن النقاش حول انتقال هؤلاء اللاعبين ليس في محله، مبرزا: “اللاعبين تقاتلو مع المنتخب ودارو تضحيات على قبل المغرب وكلاو الدق منين كانت كأس إفريقيا في يناير ما يمكنش فاش يوصلو لنهاية المسيرة ديالهم وعندهم اختيارات اللي يقدرو يربحو الفلوس وجودة الحياة تقولو ليهم لا كان خاصك تبقا في أوروبا”.
وأردف مدرب المنتخب الوطني: “ما عنديش إشكال بالنسبة ليا السعودية أحسن من دوري بلجيكا وهولندا منين كنشوف النصر والهلا وغادي نلعب ضد نيمار وبونو وكانتي وبنزيمة خاصنا نحتارمو هاد الدوريات لأنه ما يمكنش لينا نعرفو من هنا القدام البطولة ديال المغرب جتى هي تكون في مستوى يقولو الناس في أوروبا علاش مشاو يلعبو في المغرب”.
وشدد الناخب الوطني، على أن عامل السن محوري في اختيارات اللاعبين، مؤكدا أن الدوري السعودي يضم عددا من نجوم كرة القدم البارزين وبالتالي لا يجب الاستهانة به.
وعن استدعاء اللاعبين المغاربة المحترفين في الدوري السعودي، قال الركراكي: “بونو وسايس فحالهم فحال يميق، ماشي حيت مشاو السعودية ولا قطر ما غاديش نعيط ليهم فحالهم فحال حمد الله وفحال بوفال”.
وتابع: “ما دام باقين في المستوى ديالهم غنعيط ليهم فالمنتخب اللي خاصنا نسولو عليه ماشي علاش مشاو للخليج ولكن واش ما زالين في المستوى”.
