أكد الناخب الوطني وليد الركراكي، أنه لديه الثقة الكاملة في مجموعته، مشددا في الوقت ذاته على أن عدد من اللاعبين رفضوا عروضا مهمة من أندية كبيرة من أجل المنتخب.
وقال الركراكي خلال الندوة الصحافية التي عقدها، صباح اليوم الخميس (29 غشت)، للإعلان عن القائمة المستدعاة لمواجهتي الغابون وليسوتو، إن “عندي الثقة فهاد لكروب… نقدر نبدل شي واحد ولا جوج”.
وبخصوص استدعاء أدم آزنو ولاعبين من المنتخب الأولمبي، قال الركراكي “جبت أزنو باش يشم ريحة الكروب، وجبت لاعبين من المنتخب الأولمبي حيث يستاهلو يكونو معنا”.
أما بخصوص الدوليين المغربيين نايف أكرد وعز الدين أوناحي، قال “رأس لافوكا”، “أكرد وأوناحي لاعبين كنعول عليهم، وخاصني نبين ليهم باللي عندي فيهم الثقة… واللي خاصكم تعرفو راه جاوهم عروض مالية كبيرة من شي دوريات ولكن بغاو يبقاو في أوروبا ويبقاو ينافسو على أعلى مستوى”.
وعن سبب عدم استدعائه رومان سايس، قال الركراكي “خليناه يقاد أمورو مع الفريق ديالو… وأنا كنتيق فيه… والألقاب ما كتجيش غير مع الشباب”.
وتابع “وبالنسبة ليونس عبد الحميد كيعجبني حيث عندو خبرة ووقتما بغيتو كيكون حاضر”.
وختم صاحب مقولة “ديرو النية” حديثه بالقول “عندي عام ونص باش نختار لكروب اللي غادي يربح الكان… مرة مرة خاصني نشكر راسي… فاش كنت كنهز طوموبيل وكنتبع لاعبين حتى واحد ما عارفهم… باش على الأقل تقولو وليد راه كيخدم.. ولكن بغيت نشكر المنقبين ديالنا وسطاف ديالي”.
