جمال الرياضي
جامعة كرة القدم وعدت لاعبي المنتخب الوطني بأنها غادية تتهلى فيهم مزيان من الناحية المادية. كيفاش هاذ القضية؟
مصدر من الوفد المغربي إلى جنوب إفريقيا أكد لــ«كيفاش» أن كريم العالم، مستشار رئيس جامعة كرة القدم ورئيس وفد المنتخب إلى كأس إفريقيا، اجتمع أمس الاثنين (7 يناير)، مع اللاعبين وقال ليهم أن الجامعة كتقدم ليهم وعد شرف بأنها غادية تعطيهم منح مادية سخية في حالة ما إذا تألقوا وبينوا على علو الكعب ديالهم في الكأس الإفريقية. أجمل ما كان فهاذ الاجتماع، حسب المصدر ديالنا، هو الرد ديال المهدي بنعطية ونادر المياغري على كلام كريم العالم ملي قالو ليه بالحرف: «حنا هنا ماشي على قبل الفلوس. حنا جينا للدفاع عن القميص وراية الوطن». إيوا سيروا الله يرضي عليكم.
