علي أوحافي
نايضة بالمعقول وسط البيجيدي، وما حد الوقت كيدوز والقضية وسط الحزب كتحماض. كيفاش؟
من بعد البلاغ ديال “شبيبة المصباح”، اللي طلعات فيه الضرابو لعبد الإله ابن كيران، الأمين العام للحزب، واللي قالت فيه ما يفيد “لا زعيم إلا الزعيم”، خرج محمد الهيلالي، القيادي في حركة التوحيد والإصلاح، فتدوينة على الفايس بوك، ولكن كلامو على ابن كيران ما عجبش بزاف ديال الناس من حزب اللامبة.
الهيلالي هضر على شي حاجة سمّاها “المطيعية”، ولكن ناضو ليه شي وحدين، وكاين اللي اتهمو كاع بأنه باع الماتش.
الطريق ديال البيجيدي للمجلس الوطني، كيف اتفقات الأمانة العامة فالاجتماع الأخير ديالها، ما غاديش يكون ساهل، وكيبان باللي ابن كيران ما ناويش يحط السوارت، وباللي العافية زايدة وكتشعل فاللامبة.
الله يخرج عاقبتهم على خير، كيف كان يقول ابن كيران.