محمد المبارك
أيوب الكعبي هو اللاعب الدولي المغربي الذي انتقل إلى الدوري الصيني هذا الصيف، بمبلغ 6 ملايين أورو، وهو ملبغ كبير للاعب من البطولة الوطنية إلى الاحتراف.
البداية من أندية الأحياء
قصة أيوب بدات في أحياء الدار البيضاء، اللي تولد فيها سنة 1993، وبدا كيلعب الكورة في الأحياء بحالو بحال كاع أبناء الأحياء الشعبية العاشقين لكرة القدم.
وفاش بدا أول مرة يلعب مع أندية الأحياء كان السن ديالو لا يتجاوز 10 سنوات، النادي الأول كان “حي خديجة”، ثم انتقل إلى “اتفاق لالة مريم”، ومن بعد مشا للراسينغ سنة 2014.
من خط الوسط إلى الهجوم
أول مرة يلعب مع نادي الراسينغ البيضاوي لعب مدافع أيسر، بحكم الطول ديالو والقوة البدنية، ومن بعد سنوات فاش تتدرج في الفئات السنية اكتشف الفريق أن الدفاع لا يليق بأيوب، ونقلوه إلى خط الوسط وتما بين أنه عندو حس تهديفي، الشي اللي خلاه يرجع مهاجم الفريق الأول.
البطولة الاحترافية
موسم 2017-2016 كان مميز عند أيوب، حيث كان هداف القسم الثاني في المغرب بـ25 هدف، وساهم في صعود الراسينغ إلى القسم الأول، وهنا انتقل أيوب إلى البطولة الاحترافية من بوابة نهضة بركان في صيف 2017.
أحسن مهاجم
في بداية سنة 2018 غادي يقدم راسو كواحد من أحسن المهاجمين في المغرب، من بعد فاش كان هداف بطولة كأس إفريقيا للمحليين بتسعة أهداف، ومن تما بدات شائعات تتروج باللي العديد من الفرق مهتمة بالكعبي.
أغلى صفقة في البطولة
وفالمياركاتو الصيفي 2018، أيوب الكعبي انتقل في صفقة تاريخية هي الأغلى في تاريخ البطولة، انتقل لفريق هيبي فورتين الصيني، هاد الصفقة اللي غادي يستفدو منها الفرق اللي لعب فيها أيوب، ومنها الراسينغ البيضاوي اللي غيخدو مليار ونص سنتيم.
